ក្លិបកាំភ្លើងធំ Arsenal បញ្ជាក់ពីស្ថានភាពបច្ចុប្បន្នរបស់អ្នកចាត់ការលោក Mikel Arteta ស្ថិតក្នុងភាពល្អប្រសើរ និងត្រៀមវិលត្រលប់មកដឹកនាំក្រុមវិញក្នុងពេលឆាប់ៗនេះ ស្របពេលដែលកន្លែងហ្វឹកហាត់របស់ពួកគេ ក៏បានដំណើរការឡើងវិញផងដែរ។ សូមរំលឹកថា…
ក្លិបកាំភ្លើងធំ Arsenal បញ្ជាក់ពីស្ថានភាពបច្ចុប្បន្នរបស់អ្នកចាត់ការលោក Mikel Arteta ស្ថិតក្នុងភាពល្អប្រសើរ និងត្រៀមវិលត្រលប់មកដឹកនាំក្រុមវិញក្នុងពេលឆាប់ៗនេះ ស្របពេលដែលកន្លែងហ្វឹកហាត់របស់ពួកគេ ក៏បានដំណើរការឡើងវិញផងដែរ។
សូមរំលឹកថា លោក Mikel Arteta ត្រូវបានដាក់នៅដាច់ដោយឡែកដើម្បីទទួលការព្យាបាល បន្ទាប់ពីធ្វើតេស្តរកឃើញមានផ្ទុកវីរុស Covid-19 កាលពីពេលកន្លងទៅ ស្របពេលដែលក្របខ័ណ្ឌ Premier League ត្រូវបានផ្អាកការប្រកួតទាំងអស់រហូតដល់ថ្ងៃទី៣០ ខែមេសា។
ក្នុងនោះកន្លែងហ្វឹកហាត់របស់ក្លិប ដែលមានមូលដ្ឋានក្នុងទីក្រុងឡុងដ៍មួយនេះ ក៏ត្រូវបានបិទជាបណ្តោះអាសន្នផងដែរ។
ប៉ុន្តែក្លិប Arsenal បានប្រកាសពីដំណឹងល្អដល់អ្នកគាំទ្រខ្លួន ដោយបានចេញសេចក្តីថ្លែងការណ៍មួយថា «កន្លែងហ្វឹកហាត់របស់យើងនៅ London Colney និង Hale End ឥឡូវនេះបានបើកដំណើរការសារជាថ្មី ជាមួយក្រុមបចេ្ចកទេសរបស់យើងកំពុងធ្វើការសំអាត និងថែទាំស្មៅផងដែរ»។
«យើងរីករាយក្នុងការនិយាយថា Mikel មានសុខភាពល្អប្រសើរជាងមុន។ គាត់មានស្មារតីល្អណាស់ និងកំពុងធ្វើផែនការលម្អិតជាមួយជំនួយការគ្រូបង្វឹក និងកីឡាករជាប្រចាំ។ កីឡាកររបស់យើងទាំងអស់កំពុងទន្ទឹងរង់ចាំ ការហ្វឹកហាត់ឡើងវិញ នៅពេលដែលស្ថានភាពត្រូវបានអនុញ្ញាត»៕ (ដកស្រង់ចេញពី Mirror)
ចែករំលែកព័តមាននេះ