ថៃ ៖ ចាប់ពីថ្ងៃអាទិត្យនេះទៅ រដ្ឋាភិបាលនឹងទាមទារឱ្យមានលិខិតវេជ្ជសាស្ត្រ និងការធានារ៉ាប់រងសុខភាពពីសំណាក់អ្នកទេសចរទាំងអស់ ដែលធ្វើដំណើរទៅប្រទេសថៃ ដោយមិនគិតពីសញ្ជាតិ ដើម្បីទប់ស្កាត់ការរីករាលដាលនៃជំងឺឆ្លងកូវីដ១៩។ អ្នកធ្វើដំណើរទៅប្រទេសថៃឥឡូវនេះ ត្រូវបង្ហាញអាជ្ញាធរនូវវិញ្ញាបនប័ត្រសុខភាពដែលបានចេញមិនលើសពី…
ថៃ ៖ ចាប់ពីថ្ងៃអាទិត្យនេះទៅ រដ្ឋាភិបាលនឹងទាមទារឱ្យមានលិខិតវេជ្ជសាស្ត្រ និងការធានារ៉ាប់រងសុខភាពពីសំណាក់អ្នកទេសចរទាំងអស់ ដែលធ្វើដំណើរទៅប្រទេសថៃ ដោយមិនគិតពីសញ្ជាតិ ដើម្បីទប់ស្កាត់ការរីករាលដាលនៃជំងឺឆ្លងកូវីដ១៩។
អ្នកធ្វើដំណើរទៅប្រទេសថៃឥឡូវនេះ ត្រូវបង្ហាញអាជ្ញាធរនូវវិញ្ញាបនប័ត្រសុខភាពដែលបានចេញមិនលើសពី ៧២ម៉ោងមុនពេលធ្វើដំណើរ ដោយបានបញ្ជាក់ថា ពួកគេត្រូវបានធ្វើតេស្តហើយគ្មានឃើញមេរោគ។ ពួកគេក៏ត្រូវបង្ហាញពីគោលនយោបាយធានារ៉ាប់រងមួយ ដែលបង្ហាញពីការធានារ៉ាប់រងអប្បបរមាសម្រាប់ជំងឺកូវីដ១៩ មិនតិចជាង ១០០០០០ដុល្លារអាមេរិក។
វិធានការនេះពីមុន គឺជាតម្រូវការ សម្រាប់អ្នកទេសចរមកពីតំបន់ប្រឈមមុខខ្លាំងជាងគេ តែពេលនេះ គឺប្រើប្រាស់សម្រាប់មនុស្សគ្រប់សញ្ជាតិ។ នាយករដ្ឋមន្ត្រី ប្រាយុទ្ធ ចានអូចា បាននិយាយកាលពីថ្ងៃព្រហស្បតិ៍ថា៖ «យើងកំពុងរារាំងការឆ្លងពីការចូលមកក្នុងប្រទេស។ ដូច្នេះហើយបានជាមនុស្សត្រូវការវិញ្ញាបនប័ត្រវេជ្ជសាស្ត្រ និងធានារ៉ាប់រងសុខភាព ដើម្បីចូលប្រទេសថៃបាន»។
រដ្ឋមន្ត្រីក្រសួងសុខាភិបាល លោក អានុទីន ចាន់វិរ៉ាគល់ ក៏បាននិយាយផងដែរថា វិធានការណ៍នេះធ្វើឡើងសម្រាប់ជនបរទេសធ្វើដំណើរទៅកាន់ប្រទេសថៃ។ យើងកំពុងអនុវត្តវិធានការតឹងរឹង ដូច្នេះវានឹងមានការលំបាកខ្លាំងណាស់សម្រាប់ពួកគេក្នុងការមកទីនេះ។ លោកបានបន្ថែមថា ក្រសួងមហាផ្ទៃក៏នឹងបិទព្រំដែនទាំងអស់ដែរ។
អាជ្ញាធរអាកាសចរណ៍ស៊ីវិលថៃ ក៏បាននិយាយផងដែរថា ខ្លួនតម្រូវឱ្យជនភៀសខ្លួនថៃបង្ហាញវិញ្ញាបនប័ត្រសុខភាពនិងលិខិតទទួលស្គាល់ការវិលត្រឡប់របស់ពួកគេ ដោយស្ថានទូតថៃអគ្គកុងស៊ុលថៃ ឬក្រសួងការបរទេស៕ ដកស្រង់ចេញពីវេបសាយ ៖ bangkokpost (កែសម្រួលដោយ ៖ បុប្ផា)
ចែករំលែកព័តមាននេះ