រាជធានីភ្នំពេញ ៖ អ្នកនាំពាក្យព្រឹទ្ធសភា លោក ម៉ម ប៊ុននាង បានអះអាងថា ព្រឹទ្ធសភានឹងដាក់ដំណើរការធ្វើការងាររបស់មន្ត្រីមួយចំនួនតាមបណ្តាញអនឡាញ ដើម្បីទប់ស្កាត់ការរីករាលដាលជំងឺកូវីដ១៩។ ផ្តល់បទសម្ភាសន៍ជាក្រុមអ្នកសារព័ត៌មាន ក្រោយកិច្ចប្រជុំគណៈកម្មាធិការអចិន្ត្រៃយ៍ព្រឹទ្ធសភានាព្រឹកថ្ងៃទី២០មីនា ឆ្នាំ២០២០យ៉ាងដូច្នេះថា៖ «ដោយសារការយកចិត្តទុកដាក់របស់ប្រមុខរាជរដ្ឋាភិបាល ក៏ដូចជាក្រសួងសុខាភិបាលខិតខំបញ្ចេញព័ត៌មានផ្សព្វផ្សាយ ដើម្បីទប់ស្កាត់ជំងឺកូវីដ-១៩ តាមប្រព័ន្ធអនឡាញ ក៏ដូចជាទូរទស្សន៍នោះ ព្រឹទ្ធសភាយើងនឹងរៀបចំប្រព័ន្ធអនឡាញ ដើម្បីការទាប់ស្កាត់ជំងឺកូវីដ-១៩នេះដោយឲ្យមន្ត្រីមួយចំនួនធ្វើការតាមអនឡាញ»។
អ្នកនាំពាក្យបានបន្តថាការធ្វើបែបនេះ ដើម្បីការងារសុវត្ថិភាពដល់មន្ត្រីព្រឹទ្ធសភា ក៏ដូចជាសមាជិកសមាជិកព្រឹទ្ធសភានោះ សម្តេចសេនាវិបុលភក្តី សាយ ឈុំ ប្រធាន ព្រឹទ្ធសភាបានស្នើឲ្យអគ្គលេខាធិការព្រឹទ្ធសភារៀបចំប្រព័ន្ធអនឡាញ ទូរស័ព្ទ ភ្លាមៗឲ្យមន្ត្រីធ្វើការ។ ជាងនេះ នៅតាមនាយកដ្ឋាន អគ្គនាយក លេខាធិការដ្ឋានត្រូវអនាម័យ ជានិច្ចមុនចូលធ្វើការឬប្រជុំ ដោយត្រូវពិនិត្យកំដៅ និងលាងដៃនិងសាប៊ូ ឬអាល់កុល ។
លោកក៏បានលើកឡើងថា បើសិនមានមន្ត្រីណាម្នាក់មានខុសភាពមិនល្អ នោះខាងព្រឹទ្ធសភានឹងធ្វើការទាក់ទងបញ្ជូនទៅឲ្យគ្រូពេទ្យពិនិត្យព្យាបាលភ្លាមៗ។ រហូតមកដល់ពេលនៅក្នុង ព្រឹទ្ធសភាមិនទាន់មានអ្នកណាមួយមានកំដៅលើសតាមការកំណត់នោះទេ។ ក្នុងឱកាសនោះដែរលោកម៉ម ប៊ុននាងក៏បានឲ្យដឹងថាព្រឹទ្ធសភានឹងបើកសម័យប្រជុំវិ សាមញ្ញនៅថ្ងៃទី២៣ ខែមីនា ឆ្នាំ២០០២ ក្រោមអធីបតីភាពមស្តេចសេនាវិបុលភក្តីសាយឈុំ ប្រធានព្រឹទ្ធសភាដើម្បីពិនិត្យ និងអនុម័តលើរបៀបវារៈចំនួន៦ដូចជា៖
១-ពិនិត្យ និងឱ្យយោបល់លើសេចក្តីព្រាងច្បាប់ស្តីពី ការបង្កើតក្រសួងឧស្សាហកម្ម វិទ្យាសាស្ត្របច្ចេកវិទ្យា និងនវានុវត្តន៍។
២-ពិនិត្យ និងឱ្យយោបល់លើសេចក្តីព្រាងច្បាប់ស្តីពី ការអនុម័តយល់ព្រមលើពិធីសារទីពីរ ស្តីពី វិសោធនកម្ម កិច្ចព្រមព្រៀងវិនិយោគទូលំទូលាយអាស៊ាន។
៣-ពិនិត្យ និងឱ្យយោបល់លើសេចក្តីព្រាងច្បាប់ស្តីពី ការអនុម័តយល់ព្រមលើពិធីសារទីបី ស្តីពីវិសោធនកម្ម កិច្ចព្រមព្រៀងវិនិយោគទូលំទូលាយអាស៊ាន។
៤-ពិនិត្យ និងឱ្យយោបល់លើសេចក្តីព្រាងច្បាប់ស្តីពី ការអនុម័តយល់ព្រមលើពិធីសារទី១ ធ្វើវិសោធនកម្មកិច្ចព្រមព្រៀងស្តីពី ពាណិជ្ជកម្មទំនិញអាស៊ាន ។
៥-ពិនិត្យ និងឱ្យយោបល់លើសេចក្តីព្រាងច្បាប់ស្តីពី ការអនុម័តយល់ព្រមលើសន្ធិសញ្ញាស្តីពី ការផ្ទេរទណ្ឌិតរវាងព្រះរាជាណាចក្រកម្ពុជា និងសាធារណរដ្ឋសង្គមនិយមវៀតណាម ។
៦-ពិនិត្យ និងឱ្យយោបល់លើសេចក្តីព្រាងច្បាប់ស្តីពី ការអនុម័តយល់ព្រមលើសន្ធិសញ្ញាស្តីពី ការជួយគ្នាទៅវិញទៅមកផ្នែកច្បាប់ក្នុងវិស័យព្រហ្មទណ្ឌរវាងព្រះរាជាណាចក្រកម្ពុជា និងសាធារណរដ្ឋសង្គមនិយមវៀតណាម៕
ចែករំលែកព័តមាននេះ