ក្តៅខ្លាំងពេក រីងទឹកអូរ និងស្រះអស់ ខណៈដំណាំកសិករជួបបញ្ហាប្រឈម
- ប៉ៃលិន
ខេត្តប៉ៃលិន ៖ កាលពីវេលាម៉ោង៩ និង៣០នាទីព្រឹកថ្ងៃទី២០ ខែមីនា ឆ្នាំ២០២០ ស្ថិតនៅក្បែរស្ពានតារាប ក្នុងភូមិទួលល្វា សង្កាត់ទួលល្វា ក្រុងប៉ៃលិន…
ខេត្តប៉ៃលិន ៖ កាលពីវេលាម៉ោង៩ និង៣០នាទីព្រឹកថ្ងៃទី២០ ខែមីនា ឆ្នាំ២០២០ ស្ថិតនៅក្បែរស្ពានតារាប ក្នុងភូមិទួលល្វា សង្កាត់ទួលល្វា ក្រុងប៉ៃលិន…
ខេត្តប៉ៃលិន ៖ កាលពីវេលាម៉ោង៩ និង៣០នាទីព្រឹកថ្ងៃទី២០ ខែមីនា ឆ្នាំ២០២០ ស្ថិតនៅក្បែរស្ពានតារាប ក្នុងភូមិទួលល្វា សង្កាត់ទួលល្វា ក្រុងប៉ៃលិន ខេត្តប៉ៃលិន ដោយសង្កេតឃើញថា ដំណាំតាង៉ែន ហៅមៀនប៉ៃលិន របស់ខ្លួនក្លាយទៅជាងាប់ស្ទើរអស់ពីចម្ការ កសិករម្នាក់បានបើករថយន្តបូមទឹកចេញពីស្ទឹងយកទៅស្រោច ខណ:រាំងភ្លៀងអស់រយ:ពេលយូរ បណ្តាលឱ្យទឹកស្រះ និងទឹកអូរស្ទើរគ្រប់កន្លែង រីងខះអស់ ។ ចំណែកអ្នកខ្លះ អត់មានរថយន្តដឹកទឹកស្រោចដូចគេ ក៏ទុកចោល បណ្តាលឱ្យស្វិតស្លឹកងាប់អស់រាប់ពាន់ដើមតែម្តង ។
ប្រភពព័ត៌មានពីយុវជនម្នាក់ ឈ្មោះ ភឿន អាយុ២៧ឆ្នាំ រស់នៅភូមិស្ទឹងកាច់ ឃុំស្ទឹងកាច់ ស្រុកសាលាក្រៅ ខេត្តប៉ៃលិន បានរៀបរាប់ឱ្យដឹងថា នៅក្នុងចម្ការរបស់គាត់មានដើមតាង៉ែនធំៗជាង២០០ដើម ស្ថិតនៅក្នុងភូមិចម្ការកាហ្វេ សង្កាត់ទួលល្វា ក្រុងប៉ៃលិន ដោយដាំអស់រយ:ពេលជាច្រើនឆ្នាំមកហើយ ក៏ប្រមូលផលលក់ផ្លែឱ្យឈ្មួញជារៀងរាល់ឆ្នាំដែរ ។
តានប្រភពដដែលបន្តថា ប៉ុន្តែនៅរដូវប្រាំងឆ្នាំ២០២០នេះ មេឃបានរាំងភ្លៀងចាប់តាំងពីដើមខែកញ្ញា ឆ្នាំ២០១៩ មកម្លេះ ធ្វើឱ្យដំណាំជាច្រើនទទួលរងគ្រោះរាំងស្ងួត ។ ដូច្នេះហើយ ទើបធ្វើឱ្យទឹកក្នុងស្រះរបស់គាត់បានចាប់ផ្តើមរីងខះអស់ដែរ ជាហេតុដែលនាំឱ្យគ្មានទឹកបូមស្រោចដំណាំតាង៉ែនហៅមៀនប៉ៃលិនរបស់ខ្លួនបន្តទៀត ។ ប៉ុន្តែក្រោយមកគាត់បានសម្រេចចិត្តយករថយន្តបូមទឹកដឹកលក់រាល់ថ្ងៃ ដើម្បីបូមស្រោច២ទៅ៣ថ្ងៃម្តង ដើម្បីឱ្យដើមតាង៉ែនបន្តរស់នៅបញ្ចេញពណ៌ខៀវស្រងាត់ ព្រោះដំណាំតាង៉ែនរបស់អ្នកជិតខាង អត់មានទឹកស្រោចនោះទេ ក៏បណ្តាលឱ្យងាប់ជិតអស់រលីងទៅហើយ បើគិតទៅគឺងាប់រាប់ពាន់ដើមតែម្តង ។
ចំណែកប្រជាពលរដ្ឋរស់នៅក្នុងក្រុងប៉ៃលិន មួយចំនួន ដែលបានដាំតាង៉ែន ក៏បានឱ្យដឹងដែរថា នៅឆ្នាំ២០២០នេះ ពិតជាខ្សត់ទឹកខ្លាំងណាស់ ខណ:ស្រះដែលខ្លួនបានជីកកកាយយកទឹកទុកសម្រាប់បូមស្រោចដំណាំ រីងស្ងួតអស់រលីង ។ ចំណែកឯអូរដែលធ្លាប់មានទឹក នៅក្បែរចម្ការ ក៏រីងខះអស់ដែរ ។ ដូច្នេះ ស្របពេល ដែលរាំងយូរ ហើយអត់មានរថយន្តបូមទឹកស្រោចទៀត ទើបបណ្តាលឱ្យងាប់អស់រាប់សិបដើម ហើយមិនដឹងជាពេលណាមានភ្លៀងធ្លាក់នោះទេ ។ បើបន្តអត់ភ្លៀងជាយូរថ្ងៃខែទៀត មើលទៅដំណាំតាង៉ែនរបស់ពួកគាត់ នឹងងាប់អស់ជាក់ជាមិនខាន ។
ចំណែកអ្នកខ្លះទៀតលើកឡើងថា ពួកគេលែងស្រោចទៀតហើយ ទុកឱ្យងាប់តាមដំណើរចុះ ដោយចង់ប្តូរដាំដំណាំអ្វីផ្សេងពីនេះ ព្រោះតម្លៃទីផ្សារតាង៉ែន ក៏មានការធ្លាក់ចុះខ្លាំងគួរឱ្យកត់សម្គាល់ បើសិនជាបន្តធ្វើមុខរបរដំណាំមួយនេះទៀត អាចនឹងខាតដើមខាតចុងជាក់ជាមិនខានឡើយ ៕ (កែសម្រួលដោយ ៖ ធីតា)
ចែករំលែកព័តមាននេះ