អ្នកគាំទ្រក្រុម Liverpool ក្នុងប្រទេសថៃ បាននាំគ្នាដង្ហែពានរង្វាន់ Premier League (ពានសិប្បនិមិត្ត) ខណៈដែលការប្រកួតនៅប្រទេសអង់គ្លេសត្រូវបានផ្អាករហូតដល់ថ្ងៃទី៣០ ខែមេសាដោយសារវីរុស Covid-19។…
អ្នកគាំទ្រក្រុម Liverpool ក្នុងប្រទេសថៃ បាននាំគ្នាដង្ហែពានរង្វាន់ Premier League (ពានសិប្បនិមិត្ត) ខណៈដែលការប្រកួតនៅប្រទេសអង់គ្លេសត្រូវបានផ្អាករហូតដល់ថ្ងៃទី៣០ ខែមេសាដោយសារវីរុស Covid-19។
មានការជជែកដេញដោលគ្នាជាច្រើនថា ការឈ្នះជើងឯក Premier League របស់ក្រុមហង្សក្រហម Liverpool ស្ថិតក្នុងភាពស្រពិចស្រពិល ឬក៏អាចឈ្នះពានដោយគ្មានអ្នកគាំទ្រចូលរួម ប្រសិនបើការប្រកួតក្របខ័ណ្ឌនេះ មិនអាចបញ្ចប់បានតាមការគ្រោង ខណៈដែលពួកគេកំពុងឈរលើកំពូលតារាងនាពេលបច្ចុប្បន្ន ។
ប៉ុន្តែក្នុងខ្សែអាត់វីដេអូមួយបានបង្ហាញពី អ្នកគាំទ្រក្លិបនេះនៅប្រទេសថៃក្នុងខេត្ត Suphan Buri បានធ្វើការដង្ហែពានអបអររបស់ពួកគេ ដោយមានជួលក្រុមតន្ត្រី និងរៀបចំព្រឹត្តិការណ៍នេះតាមដងផ្លូវ នៅកសិដ្ឋានក្នុងស្រុកមួយកាលពីថ្ងៃអង្គារ (១៧ មីនា) ។
ប្រធានក្លិបអ្នកគាំទ្រលោក Arnon Rakpol បាននិយាយថា «ខ្ញុំចាប់ផ្តើមគាំទ្រ Liverpool តាំងពីខ្ញុំនៅក្មេង រហូតមកដល់ពេលនេះ ។ ខ្ញុំបានដាក់ចិត្តដាក់កាយដល់ក្រុមនេះ ហើយនៅឆ្នាំនេះខ្ញុំប្រាកដណាស់ថាពួកគេនឹងឈ្នះពានរង្វាន់ Premier League»។
លោកបានបន្ថែមទៀតជុំវិញក្បួនដង្ហែរនេះ ខណៈប្រទេសថៃ ក៏កំពុងរងផលប៉ះពាល់ពីការរីករាលដាលនៃវីរុស Covid-19 ផងដែរ « ឥឡូវនេះប្រជាជនកំពុងរស់នៅដោយភាពភ័យខ្លាច ហើយទីប្រជុំជនមានភាពស្ងប់ស្ងាត់ ដូច្នេះខ្ញុំគ្រាន់តែចង់ធ្វើឱ្យការភ័យខ្លាច មករំសាយជាមួយនឹងព្រឹត្តិការណ៍ចម្រុះពណ៌នេះ។
ទោះយ៉ាងណាខ្ញុំក៏បានធានាថា អ្នកចូលរួមទាំងអស់បានទទួលការត្រួតពិនិត្យសីតុណ្ហភាព និង លាងសម្អាតដៃជានិច្ច» ៕ (ដកស្រង់ចេញពី newsflare, វីដេអូពី Sportbible)
ចែករំលែកព័តមាននេះ