ក្លិបហង្សក្រហម Liverpool និងក្លិបបិសាចក្រហម Manchester United បានសម្រេចបន្តផ្តល់ប្រាក់ខែពេញលេញសម្រាប់បុគ្គលិកខ្លួន បើទោះបីជាការប្រកួតទាំងអស់ត្រូវបានផ្អាកដល់ថ្ងៃទី៣០ ខែមេសាក៏ដោយ។ យោងតាមការចុះផ្សាយពី liverpoolecho…
ក្លិបហង្សក្រហម Liverpool និងក្លិបបិសាចក្រហម Manchester United បានសម្រេចបន្តផ្តល់ប្រាក់ខែពេញលេញសម្រាប់បុគ្គលិកខ្លួន បើទោះបីជាការប្រកួតទាំងអស់ត្រូវបានផ្អាកដល់ថ្ងៃទី៣០ ខែមេសាក៏ដោយ។
យោងតាមការចុះផ្សាយពី liverpoolecho បានឱ្យដឹងថាក្លិប Liverpool នឹងបន្តផ្តល់ប្រាក់ខែពេញលេញដល់បុគ្គលិកទាំងអស់របស់ខ្លួន កំឡុងពេលការផ្អាកបាល់ទាត់នៃក្របខ័ណ្ឌ Premier League ។
មិនខុសគ្នាក្លិប Manchester United ក៏បានសម្រេចផ្តល់ប្រាក់ខែពេញលេញ សម្រាប់បុគ្គលិកទាំងអស់របស់ខ្លួន ក្នុងពេលដែលការប្រកួតទាំងអស់ក្នុងលីគត្រូវបានផ្អាក នេះបើតាមការចុះផ្សាយពី BBC។
សូមរំលឹកជូនថា អាជ្ញាធរបាល់ទាត់អង់គ្លេស បានប្រកាសកាលពីថ្ងៃព្រហស្បតិ៍ម្សិលមិញនៅក្នុងសេចក្តីថ្លែងការណ៍រួមមួយថា ការប្រកួតទាំងអស់ដែលកាលពីការសម្រេចលើកទី១ ត្រូវផ្អាករហូតដល់ថ្ងៃទី៣ ខែមេសា ត្រូវបន្ថែមរហូតដល់ថ្ងៃទី៣០ ខែមេសា ក្នុងគោលបំណងកាត់បន្ថយការរីករាលដាលនៃវីរុសឆ្លង Covid-19 ក្នុងប្រទេសអង់គ្លេស ៕ (កែសម្រួលដោយ ៖ ធីតា)
ចែករំលែកព័តមាននេះ