កូឡាឡាំពួរ ៖ លោកវេជ្ជបណ្ឌិតអាដាម បាបា រដ្ឋមន្ត្រីក្រសួងសុខាភិបាល បាននិយាយនៅថ្ងៃទី១៩ ខែមីនានេះថា ក្រសួងបានរកឃើញករណីឆ្លងថ្មី ចំនួន ១១០បន្ថែមទៀត…
កូឡាឡាំពួរ ៖ លោកវេជ្ជបណ្ឌិតអាដាម បាបា រដ្ឋមន្ត្រីក្រសួងសុខាភិបាល បាននិយាយនៅថ្ងៃទី១៩ ខែមីនានេះថា ក្រសួងបានរកឃើញករណីឆ្លងថ្មី ចំនួន ១១០បន្ថែមទៀត ធ្វើឱ្យចំនួនសរុបអ្នកឆ្លង Covid-19 ទូទាំងប្រទេសនេះកើនឡើងដល់ ៩០០ករណីហើយ នេះបើតាមសារព័ត៌មាន malaymail របស់ម៉ាឡេស៊ី ។
រដ្ឋមន្ត្រីក្រសួងសុខាភិបាល ក៏បានបញ្ជាក់ផងដែរថា ក្នុងចំណោម ១១០ករណីថ្មី មានចំនួន ៦៣ករណី មានទំនាក់ទំនងផ្ទាល់ជាមួយនឹងការប្រមូលផ្តុំគ្នា នៅឯវិហារអ៊ីស្លាមមួយ នៅទីក្រុងកូឡាឡាំពួរ ក្នុងតំបន់ Jamek Sri Petaling Mosque ដែលបានបើកឲ្យចូលគោរពតាមបែបសាសនា កាលពីថ្ងៃទី២៧ ខែកុម្ភៈ ដល់ថ្ងៃទី១ ខែមីនា ។
លោកវេជ្ជបណ្ឌិតអាដាម បាបា ថ្លែងបែបនេះ នៅក្នុងសន្និសីទកាសែត នៅឯទីស្តីការក្រសួងសុខាភិបាលម៉ាឡេស៊ី លោកថា “ក្នុងចំណោម ៩០០ករណី ត្រូវបានរាយការណ៍នៅថ្ងៃនេះ មាន៥៧៦ករណី ទាក់ទងផ្ទាល់ជាមួយនឹងការប្រមូលផ្តុំគ្នានៅឯវិហារអ៊ីស្លាម” ។
យ៉ាងណា មិនមានរបាយការណ៍ បញ្ជាក់ពីការស្លាប់ ដែលទាក់ទងនឹងអ្នកជំងឺ Covid-19 នៅថ្ងៃនេះទេ នៅប្រទេសម៉ាឡេស៊ី រក្សារចំនួនអ្នកស្លាប់២នាក់ ដដែល ៕
ចែករំលែកព័តមាននេះ