សហរដ្ឋអាមេរិក ៖ ប្រធានាធិបតីអាមេរិកលោកដូណាល់ត្រាំ ពេលនេះចាប់ផ្ដើមធ្វើសង្គ្រាមប្រឆាំងវីរុសCOVID-19ហើយ ដោយបញ្ជូននាវាមន្ទីរពេទ្យទៅកាន់ក្រុងញូវយ៉ក កេណ្ឌប្រមូលបណ្ដាវិស្វករយោធា ព្រមទាំងប្រើច្បាប់សម័យសង្គ្រាមកូរ៉េ។ បែបនេះបង្ហាញថានាថ្ងៃទី១៩មីនា សហរដ្ឋអាមេរិក ឈានដល់ដំណាក់កាលថ្មីមួយនៃការប្រឈមមុខចំពោះវីរុសនោះ…
សហរដ្ឋអាមេរិក ៖ ប្រធានាធិបតីអាមេរិកលោកដូណាល់ត្រាំ ពេលនេះចាប់ផ្ដើមធ្វើសង្គ្រាមប្រឆាំងវីរុសCOVID-19ហើយ ដោយបញ្ជូននាវាមន្ទីរពេទ្យទៅកាន់ក្រុងញូវយ៉ក កេណ្ឌប្រមូលបណ្ដាវិស្វករយោធា ព្រមទាំងប្រើច្បាប់សម័យសង្គ្រាមកូរ៉េ។
បែបនេះបង្ហាញថានាថ្ងៃទី១៩មីនា សហរដ្ឋអាមេរិក ឈានដល់ដំណាក់កាលថ្មីមួយនៃការប្រឈមមុខចំពោះវីរុសនោះ រួចលោកត្រាំបានចាត់ទុកខ្លួនលោកថាជាប្រធានាធិបតីមួយរូប ក្នុងពេលមានសង្គ្រាម។
មហាអំណាចពិភពលោកនោះ ដែលមានការយឺតយ៉ាវក្នុងការទប់ទល់ចំពោះវីរុសCOVID-19 ពេលនេះមានអ្នកឆ្លងកើនដល់៧.៧០០នាក់ និងមានអ្នកបាត់បង់ជីវិតឡើងដល់១១៨នាក់ហើយ។ សមាជិកសភាអាមេរិក២នាក់ក៏ឆ្លងវីរុសនេះដែរ។ ប្រធានាធិបតីអាមេរិកប្រកាសបិទព្រំដែនជាមួយកាណាដា ជាដៃគូសេដ្ឋកិច្ចទី២របស់ខ្លួន លើកលែងតែការធ្វើដំណើរដែលយល់ថាចាំបាច់និងបណ្ដាទំនិញ។ លោកសង្ឃឹមថាអាចបើកឡើងវិញ៣០ថ្ងៃទៀត។
លោកត្រាំដែលពីដំបូងហាក់មើលស្រាលចំពោះការឆ្លងរាលដាលនៃវីរុសនោះ បានប្តូវោហាសាសន៍ ក្នុងឱកាសនៃសន្និសីទសារព័ត៌មានមួយនៅសេតវិមាន។ លោកថ្លៃងថាពលរដ្ឋអាមេរិកគ្រប់ជំនាន់អំពាវនាវឲ្យធ្វើពលីកម្ម ដើម្បីសុខមាលភាពរបស់ប្រជាជាតិ។ លោករំឭកពីការកេណ្ឌប្រមូលកម្លាំងពលរដ្ឋអាមេរិក កាលសម័យសង្គ្រាមលោកលើកទី២។ លោកថា ពេលនេះដល់វេនយើងត្រូវរួមគ្នាធ្វើពលីកម្ម ហើយយើងនឹងទទួលបានជ័យជម្នះរួមគ្នា។
នាវាមន្ទីរពេទ្យអាមេរិកUSNS COMFORTនោះ មានគ្រែប្រមាណជា១.០០០ត្រូវបញ្ជូនមកកាន់កំពុងផែក្រុងញូវយ៉ក។ រដ្ខញូវយ៉កជារដ្ឋរងការប៉ះពាល់ខ្លាំងជាងគេដោយសារវីរុសនេះ ជាមួយអ្នកឆ្លងជាង២.៣០០នាក់ និងអ្នកបាត់បង់ជីវិត២០នាក់ ដោយអភិបាលរដ្ឋនោះលោកANDREW CUOMO បានសម្ដែងការអបអរសាទរ ចំពោះវិធានការវិសាមញ្ញនោះដែលនឹងរួមចំណែក ពង្រឹងសមត្ថភាពទទួលអ្នកជំងឺបានច្រើន។ រដ្ឋនោះអាចត្រូវការគ្រែពេទ្យដល់ទៅ១១០.០០០រយៈពេល៤៥ថ្ងៃទៀត។ លោកថាយើងកំពុងស្ថិតក្នុងសង្គ្រាម ហើយយើងកំពុងស្ថិតក្នុងលេណដ្ឋានជាមួយគ្នា។
កងឯកភាពវិស្វកម្មនៃកងទ័ពអាមេរិកដែលចំណុះឲ្យក្រសូងការពារប្រទេសផងដែរ ក៏ត្រូវបញ្ចេញសកម្មភាព។ លោកត្រាំគូសបញ្ជាក់ម្យ៉ាងទៀតថា លោកនឹងលើកពីច្បាប់មួយសម័យសង្គ្រាមកូរ៉េ ដែលអាចកេណ្ឌប្រមូលផ្នែកឧស្សាហកម្មឯកជន សម្រាប់បម្រើដល់សន្តិសុខរបស់ប្រទេស។ លោកថាខ្ញុំចុះហត្ថលេខាលើច្បាប់នេះក្រោយចប់សន្និសីទ។
អាមេរិកដែលពេលនេះប្រកាសផងដែរពីការផ្អាកផ្ដល់ទិដ្ឋាការគ្រប់ទីកន្លែងលើពិភពលោក រដ្ឋាភិបាលរបស់មហាអំណាចនោះ បានស្នើនាថៃ្ងទី១៨មីនាដល់សភា ឲ្យអនុម័តផ្ដល់ទឹកប្រាក់៥០០ពាន់លានដុល្លារ ដើម្បីប្រឈមមុខនឹងការឆ្លងរាលដាលនៃវីរុសនោះ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ