រាជធានីភ្នំពេញ ៖ នាយកដ្ឋានប្រយុទ្ធនឹងជំងឺឆ្លងបានចេញប្រកាសជូនដល់សាធារណ:ជន មេត្តាជ្រាបថា រាល់ការហៅចូលមកកាន់លេខទាន់ហេតុការណ៍ ១១៥ មានពេលខ្លះរង់ចាំយូរ រឺមិនអាចភ្ជាប់បានដោយសារប្រពន្ធ័ត្រូវធ្វើការបញ្ជូន ការហៅទៅកាន់ទូរស័ព្ទដៃមន្ត្រីចំនួន ២៥នាក់ ដែលរង់ចាំទទួលការហៅចូល ដោយពេលខ្លះពួកគាត់កំពុងជាប់រវល់ភ្ជាប់ជាមួយសាធារណៈជនដទៃទៀតរួចហេីយ ហេតុដូច្នេះប្រពន្ធ័នឹងធ្វើការបញ្ជូន ការហៅរបស់លោកអ្នកបន្តពីលេខមួយទៅលេខមួយទៀត ដោយមិនកាត់ផ្តាច់ការហៅចូលទេ ដែលជាហេតុធ្វើអោយមានការរង់ចាំយូរបន្តិច (អាចលើសពី៣-៤នាទី) ។ នេះបើយោងតាមនាយកដ្ឋានប្រយុទ្ធនឹងជំងឺឆ្លង CDC ចេញផ្សាយមុននេះ ។
គួរបញ្ជាក់ផងដែរថា កំឡុងពេលនេះមានការហៅចូលលេខ ១១៥ យ៉ាងច្រើនលើសលុបមិនថាយប់ រឺថ្ងៃ ។ យេីងខ្ញុំសូមឲ្យមានយោគយល់ និងអត់ធ្មត់ពីសាធារណៈជនទាំងអស់ និងសំណូមពរអោយធ្វើការហៅមកជាថ្មីម្តងទៀត ប្រសិនបើមិនអាចទំនាក់ទំនងបាន ។ ក្រុមការងារទូរសព្ទ័ទាន់ហេតុការណ៍លេខ ១១៥ រង់ចាំទទួលនូវការរាយការណ៍ និងសាកសួរពត៌មានអំពីជំងឺ COVID-19 ដោយក្តីសោមនស្សរីករាយ ។
សូមជូនទិន្នន័យ ១១៥ : ក្នុងមួយថ្ងៃហៅចូល និងភ្ជាប់ទំនាក់ទំនងជាង ៩ពាន់នាក់ ដែលសរុបចាប់ពីរកឃើញកូវីដ១៩ ករណីទី១មក មានជាង៩៣មុឺននាក់ ៕
ចែករំលែកព័តមាននេះ