Zlatan Ibrahimovic បានចាប់ផ្តើមកម្មវិធីរៃអង្គាសថវិកា ដើម្បីជួយប្រយុទ្ធប្រឆាំង នឹងវីរុសឆ្លង Covid-19 និងបានអំពាវនាវដល់កីឡាករបាល់ទាត់ទាំងអស់ ឱ្យជួយផ្សព្វផ្សាយដើម្បីជាការរួមចំណែក ប្រយុទ្ធប្រឆាំងនឹងវីរុសមួយនេះ។
ខ្សែប្រយុទ្ធរបស់ក្រុម AC Milan ដែលស្ថិតនៅប្រទេសអ៊ីតាលី ដែលជាប្រទេសរងឥទ្ធិពលអាក្រក់បំផុតពីវីរុសរាតត្បាតក្នុងទ្វីបអឺរ៉ុប ។
Zlatan បានធ្វើការបរិច្ចាគប្រាក់ផ្ទាល់ខ្លួនចំនួន ២ម៉ឺន ៥ពាន់អឺរ៉ូ (៤៦.០៥៤ ផោន) ក្នុងកម្មវិធីនេះ ។
ខ្សែប្រយុទ្ធស៊ុយអែតវ័យ៣៨ឆ្នាំរូបនេះ បាននិយាយនៅលើបណ្តាញសង្គម Instagram ខ្លួនថា «ប្រទេសអុីតាលីតែងតែផ្តល់ឱ្យខ្ញុំយ៉ាងច្រើន ហើយនៅក្នុងពេលនេះ ខ្ញុំចង់ផ្តល់ឱ្យកាន់តែច្រើនដល់ប្រទេសដែលខ្ញុំស្រឡាញ់» ។
«រួបរួមគ្នាយើងពិតជាអាចជួយមន្ទីរពេទ្យ និងគ្រូពេទ្យ និងគិលានុបដ្ឋាយិកា ដែលធ្វើការដោយមិនគិតប្រាក់រាល់ថ្ងៃ ដើម្បីជួយសង្គ្រោះអាយុជីវិតយើង ព្រោះថ្ងៃនេះយើងជាអ្នកដែលគាំទ្រពួកគេ!»។
ក្នុងការបញ្ចប់ការប្រកាសរបស់ខ្លួន Zlatan បាននិយាយថា «ហើយចាំថា ប្រសិនបើវីរុសមិនមករក Zlatan នោះ Zlatan នឹងទៅរកវីរុស!»។
មួយម៉ោងបន្ទាប់ពីការប្រកាសរបស់ Ibrahimovic មូលនិធិនេះបានកើនឡើងចំនួន ១០៩.៦៥២ អឺរ៉ូ (១០០,៩៩៩ ផោន) ៕ (ដកស្រង់ចេញពី BBC)
ចែករំលែកព័តមាននេះ