យោងតាមបទយកការណ៍ពី nbcnews បានលើកឡើងថា ប្រទេសអុីតាលីភាគខាងជើង ដែលមានប្រព័ន្ធសុខាភិបាលសាធារណៈល្អបំផុតមួយនៅបស្ចិមប្រទេស ដែលមានវេជ្ជបណ្ឌិត និងអ្នកជំនាញផ្នែកវេជ្ជសាស្ត្ររបស់ខ្លួន ត្រូវបានបណ្តុះបណ្តាលបានយ៉ាងល្អ។ ពួកគេបានត្រៀមខ្លួនរួចសម្រេច នៅពេលដែលវីរុស Covid-19 ចាប់ផ្តើមឆ្លងរាលដាលពាសពេញតំបន់ ដែលមានការអប់រំល្អនេះ។ ប៉ុន្តែបច្ចុប្បន្នពួកគេបែរជានៅតែមិនអាចធ្វើអ្វីបានទាំងអស់ ដើម្បីការពាររឿងដែលបានកើតឡើងនេះ ។
គិលានុបដ្ឋាយិកាម្នាក់ មកពីមន្ទីរពេទ្យធំមួយក្នុងទីក្រុង Bergamo ជាទីក្រុងមួយ នៅភាគខាងជើងនៃប្រទេសអុីតាលី ដែលជាចំណុចកណ្តាលនៃការផ្ទុះឡើងនៃរីរុស Covid-19 ដ៏អាក្រក់បំផុតនៅអឺរ៉ុប បាននិយាយថា «ខ្ញុំមិនដែលឃើញមានមនុស្សស្លាប់ច្រើនជាមួយគ្នា នៅចំពោះភ្នែកខ្ញុំបែបនេះទេ វាធ្វើឱ្យខ្ញុំមានអារម្មណ៍ថា យើងកំពុងឆ្លងកាត់កណ្តាលសមរភូមិប្រយុទ្ធ»។
មនុស្សជាង២៥០០នាក់ បានស្លាប់ក្នុងរយៈពេលប្រហែល៤សប្តាហ៍នៅប្រទេសអុីតាលី។ ដោយមានករណីឆ្លងចំនួនជាង៣១.៥០០ត្រូវបានបញ្ជាក់ពីវេជ្ជបណ្ឌិត និងគិលានុបដ្ឋាយិការបស់ប្រទេស ជាពិសេសនៅក្នុងទីក្រុង ដែលរងគ្រោះខ្លាំងជាងគេ នៅភាគខាងជើងកំពុងទទួលការមើលថែ ។ ពួកគេកំពុងខ្វះខាតគ្រែ ឧបករណ៍ និងសូម្បីតែមនុស្ស ជាពិសេសគឺបុគ្គលិកថែទាំសុខភាព កាន់តែច្រើនបានឆ្លងវីរុសនេះ។
ក្នុងរយៈពេលប៉ុន្មានខែចាប់តាំងពីវីរុសថ្មីនេះ ត្រូវបានគេរកឃើញនៅភាគខាងជើងប្រទេសអុីតាលី បានលេចចេញជាការព្រមានជាច្រើនអំពីការផ្ទុះឡើងនៃវីរុសនេះ សូម្បីតែនៅក្នុងតំបន់មួយក្នុងប្រទេសអុីតាលី ដែលត្រូវបានគេចាត់ទុកថា មានប្រព័ន្ធថែទាំសុខភាពសាធារណៈ ដ៏មានភាពស្ទាត់ជំនាញជាងគេបំផុតនៅលើពិភពលោក បានធ្លាក់ចុះយ៉ាងខ្លាំង ចំពោះវិធានការដើម្បីព្យាយាមទប់ស្កាត់ការរីករាលដាលនៃវីរុសដ៏កាចសាហាវនេះ។
សូមបញ្ជាក់ថា ទីក្រុង Milan និង Bergamo បានក្លាយជាទីក្រុងដែលរងផលប៉ះពាល់ខ្លាំងបំផុតជាពិសេស ក្នុងប្រទេសអុីតាលី។ ខណៈដែលទីក្រុង Bergamo តែម្នាក់ឯងមានជិត ៣៨០០ករណីឆ្លង ដែលត្រូវបានបញ្ជាក់។
ចែករំលែកព័តមាននេះ