ខេត្តសៀមរាប ៖ បើតាមសេចក្តីរាយការណ៍បឋមបានឱ្យដឹងថា ចាប់ពីររសៀលថ្ងៃទី១៧ រហូតមកទល់ម៉ោង១និង១៥នាទីរសៀល នាថ្ងៃទី១៨ ខែមីនា ឆ្នាំ២០២០នេះ បណ្តាអធិការដ្ឋាននគរបាលក្រុង-ស្រុកទាំងអស់ទូទាំងខេត្តសៀមរាប បានចុះបិទទីតាំង…
ខេត្តសៀមរាប ៖ បើតាមសេចក្តីរាយការណ៍បឋមបានឱ្យដឹងថា ចាប់ពីររសៀលថ្ងៃទី១៧ រហូតមកទល់ម៉ោង១និង១៥នាទីរសៀល នាថ្ងៃទី១៨ ខែមីនា ឆ្នាំ២០២០នេះ បណ្តាអធិការដ្ឋាននគរបាលក្រុង-ស្រុកទាំងអស់ទូទាំងខេត្តសៀមរាប បានចុះបិទទីតាំង KTV រោងភាពយន្ត ក្លឹបកម្សាន្ត និងសារមន្ទីរចំនួន៨១កន្លែង ។
បើតាមលោកវរសេនីយ៍ឯកឯក សឿន សេន ស្នងការរងទទួលផែនសេនាធិការបានឱ្យដឹងថា គោរពតាមបទបញ្ជារបស់ក្រសួងមហាផ្ទៃ និងអគ្គស្នងការនគរបាលជាតិ លោកឧត្តសេនីយ៍ទោ ទិត្យ ណារ៉ុង ស្នងការនៃស្នងការដ្ឋាននគរបាលខេត្តសៀមរាប បានបញ្ជាទៅកងកម្លាំងគ្រប់ក្រុង/ស្រុកក្នុងខេត្តសៀមរាប ចុះបិទកន្លែងកំសាន្ត KTV រោងភាពយន្ត ក្លឹបកម្សាន្ត សារមន្ទីរជាបណ្តោះអាសន្ន តាមលិខិតប្រកាសរបស់ក្រសួងសុខាភិបាល លេខ ០៤១-០៤៣ សខល ចុះថ្ងៃទី១៧ ខែមីនា ឆ្នាំ២០២០ សុខាភិបាល លេខ ០៤១-០៤៣ សខល ចុះថ្ងៃទី១៧ ខែមីនា ឆ្នាំ២០២០ ។
ក្នុងប្រតិបត្តិការរយៈពេលពីរថ្ងៃនេះ កម្លាំងសមត្ថកិច្ចខេត្តសៀមរាប សម្រេចបានលទ្ធផល ជារួមចំនួន៨១កន្លែង គឺ KTV ចំនួន៦៥កន្លែង, ក្លឹបកំសាន្តចំនួន០៧កន្លែង, សារមន្ទីរចំនួន០៦កន្លែង និងរោងភាពយន្តចំនួន០៣កន្លែង ។
លោកវរសេនីយ៍ឯកឯកក៏បានបន្តទៀតថា កម្លាំងសមត្ថកិច្ចខេត្តសៀមរាប ក៏កំពុងតែបន្តចុះប្រតិបត្តិការបិទកន្លែងកម្សាន្តទាំងនេះ ឱ្យសម្រេចបានមួយរយភាគរយក្នុងរយៈពេលដ៏ខ្លីខាងមុខនេះ៕ (កែសម្រួលដោយ ៖ បុប្ផា)
ចែករំលែកព័តមាននេះ