រាជធានីភ្នំពេញ ៖ អ្នកនាំពាក្យក្រសួងសុខាភិបាលបញ្ជាក់ថា ការធ្វើតេស្តរោគកូវីដ ១៩ ទោះបីមាន ឬគ្មានក្តីគ្មានការបង់ថ្លៃ ឬយកលុយនោះទេ ។ ការបញ្ជាក់នេះ…
រាជធានីភ្នំពេញ ៖ អ្នកនាំពាក្យក្រសួងសុខាភិបាលបញ្ជាក់ថា ការធ្វើតេស្តរោគកូវីដ ១៩ ទោះបីមាន ឬគ្មានក្តីគ្មានការបង់ថ្លៃ ឬយកលុយនោះទេ ។ ការបញ្ជាក់នេះ បន្ទាប់ពីមានមតិមួយចំនួនលើកឡើងថា ការធ្វើតេស្តមានការបង់ថ្លៃ ទោះបីជាមាន ឬគ្មានមេរោគកូវីដ១៩ក៏ដោយ ។
ចំពោះរឿងនេះអ្នកនាំពាក្យក្រសួងសុខាភិបាលលោកស្រី ឱ វណ្ណឌីន បានទទួល ស្គាល់ថា អ្នកស្រីបានឮពាក្យចរចាមអារាមនេះដែរ ប៉ុន្តែអ្នកស្រីអះអាងថា ការធ្វើតេស្តមេរោគកូវីដ១៩នេះ គ្មានការយកលុយនោះទេ ។ លោកស្រីបានបញ្ជាក់ក្នុងសន្និសីទសារព័ត៌មានព្រឹក ថ្ងៃទី១៨ ខែមីនានេះ នៅទីស្តីការគណៈរដ្ឋមន្ត្រីយ៉ាងដូច្នេះថា ៖«បញ្ហានេះ ខ្ញុំក៏បានទទួលដែរពេលល្ងាចមិញថា មានពាក្យចរចាមអារាមប្រឌិតឡើងដើម្បីវាយប្រហារលើក្រសួងសុខាភិបាល និងរាជរដ្ឋាភិបាលពីការយកលុយចំពោះការធ្វើតេស្តមេរោគកូវីដ១៩នេះ ។ ប៉ុន្តែខ្ញុំសុំបញ្ជាក់ថា មិនមានការយកថវិកានោះទេ មកដល់ពេលនេះ» ។
លោកស្រីបន្តថា ការធ្វើតេស្តនេះគិតត្រឹមយប់ថ្ងៃទី១៧ ខែមីនា មានចំនួន១១១២ករណី ដោយក្នុងនោះរកឃើញអ្នកផ្ទុកកូវីដ១៩ ចំនួន៣៥ករណី ។ ជាងមួយគ្នានោះដែរអ្នកនាំពាក្យក៏សុំឲ្យមានការបង្ហាញឲ្យច្បាស់អំពីអ្នកយកលុយ និងទីតាំងធ្វើតេស្តនោះឲ្យបានច្បាស់លាស់ព្រោះថា ករណីនេះក្រសួងធ្លាប់បានប្រកាសជាច្រើនដងមកហើយថា គ្មានការយកលុយនោះទេ ។ លោកស្រីបញ្ជាក់ថា ៖«ពេលនេះបើខ្ញុំចាំ នេះជាលើកទី៣ ហើយខ្ញុំនិយាយមិនយកលុយ ។ អីញ្ចឹងខ្ញុំប្រកាសដល់បងប្អូនសារធារណជនជម្រាបជាថ្មីថា មិនមានការទាមទារយកលុយ នៅពេលសង្ស័យថា មានជំងឺកូវីដ១៩នេះនៅពេលការធ្វើតេស្តជំងឺដោយក្រុមគ្រូពេទ្យ ក្រុមការងារឆ្លើយបន្ទាន់របស់ក្រសួងសុខាភិបាល ឬមន្ទីសុខាភិបាលខេត្ត ។ ប្រសិនបើបងប្អូនសង្ស័យសុំធ្វើការទាក់ទងទៅមន្ទីពេទ្យបង្អែកខេត្ត» ៕
ចែករំលែកព័តមាននេះ