រាជធានីភ្នំពេញ ៖ ក្លិបអ្នកកាសែតកម្ពុជាបានអំពាវនាវដល់អ្នកសារព័ត៌មានអាជីពទាំងអស់ត្រូវប្រកាន់ភ្ជាប់ចំពោះការរាយការណ៍ពាក់ព័ន្ធនឹងជំងឺកូវីដ១៩ ដែលកំពុងរីករាលដាលស្ទើរទូទាំងប្រទេស ហើយកម្ពុជាកំពុងរីករាលដាលផងដែរ ។ យោងតាមការចេញផ្សាយរបស់ក្លឹបអ្នកសារព័ត៌មាន ចេញផ្សាយនៅថ្ងៃទី១៨ ខែមីនានេះ ។…
រាជធានីភ្នំពេញ ៖ ក្លិបអ្នកកាសែតកម្ពុជាបានអំពាវនាវដល់អ្នកសារព័ត៌មានអាជីពទាំងអស់ត្រូវប្រកាន់ភ្ជាប់ចំពោះការរាយការណ៍ពាក់ព័ន្ធនឹងជំងឺកូវីដ១៩ ដែលកំពុងរីករាលដាលស្ទើរទូទាំងប្រទេស ហើយកម្ពុជាកំពុងរីករាលដាលផងដែរ ។ យោងតាមការចេញផ្សាយរបស់ក្លឹបអ្នកសារព័ត៌មាន ចេញផ្សាយនៅថ្ងៃទី១៨ ខែមីនានេះ ។
ដោយបានលើកឡើងថា ដោយឃើញសារព័ត៌មាន និងកំពុងដើរតួនាទីយ៉ាងសំខាន់ក្នុងការផ្តល់ព័ត៌មានពិតជូនប្រជាពលរដ្ឋ និងដោយយល់ឃើញថា បញ្ហាកូវីដ១៩ ជារឿងសំខាន់មួយ ដែលទាមទារឲ្យគ្រប់ភាគីពាក់ព័ន្ធក៏ដូចជា ប្រជាពលរដ្ឋម្នាក់ៗចូលរួមបង្កការទប់ស្កាត់ និងប្រយុទ្ធប្រឆាំងកុំឲ្យមានការរីករាលដាលទៅក្នុងសហគមន៍ក៏ដូចជា ដើម្បីបញ្ជៀសការរើសអើសនោះក្លឹបអ្នកកាសែត សូមអំពាវនាវដល់អ្នកសារព័ត៌មានទាំងអស់ដែលកំពុងប្រកបអាជីពវិជ្ជាជីវៈក្នុងប្រទេសដូចជាយកចិត្តទុកដាក់ចំពោះចំណុចសំខាន់ៗ ដូចជា ទី១. សូមធ្វើសេចក្តីរាយការណ៍ព័ត៌មានពាក់ព័ន្ធនឹងបញ្ហាកូវីដ១៩ ប្រកបដោយភាពច្បាស់លាស់ស្របតាមបច្ចេកទេសវេជ្ជសាស្ត្រសំអាងទៅលើការពន្យល់របស់អ្នកជំនាញ ឬលើការស្រាវជ្រាវឯកសារតាមលក្ខណៈវិទ្យាសាស្ត្រឲ្យបានត្រឹមត្រូវ ដើម្បីចៀសវាងការផ្តល់ព័ត៌មានមិនច្បាស់លាស់ ធ្វើឲ្យប្រជាពលរដ្ឋមានការភាន់ច្រឡំអំពីជំងឺកូវីដ១៩ ។
ទី២. សូមប្រកាន់ក្រមសីលធម៌វិជ្ជាជីវៈឲ្យបានខ្ពស់បំផុតក្នុងការគោរពសិទ្ធិឯកជនរបស់អ្នកដែលឆ្លងវីរុសកូវីដ១៩ ដោយមិនត្រូវបញ្ចេញអត្តសញ្ញាណរបស់ពួកគេជាដាច់ខាតមិនថា អ្នកនោះជនបរទេស ឬខ្មែរនោះឡើយ លើកលែងតែអ្នកនោះជាបុគ្គលសាធារណៈសំខាន់ៗដែលក្រសួងសុខាភិបាលប្រកាសជាផ្លូវការ ឬសាម៉ីខ្លួនផ្ទាល់ដោយប្រកាសជាសាធារណៈ ។
ទី៣. សូមធ្វើសេចក្តីរាយការណ៍ពាក់ព័ន្ធនឹងករណីអ្នកឆ្លងវីរុសកូវីដ១៩ ដោយចៀសវាងការប្រើពាក្យពេចន៍ ឬសំនួនវោហារណាដែលនាំឲ្យមានការចែងចែក ឬការរើសអើងចំពោះបុគ្គល ឬសហគមន៍ណាមួយ ។ ទី៤. សូមអ្នកសារព័ត៌មានទាំងអស់ប្រកាន់ខ្ជាប់នូវវិធីសាស្ត្រនិងក្បូនអ នាម័យការពារខ្លួនកុំឲ្យឆ្លងវីរុសកូវីដ១៩ តាមការណែនាំរបស់ក្រសួងសុខាភិបាលឲ្យបានខ្ជាប់ខ្ជួនទាំងក្នុងពេលចុះយកព័ត៌មានទាំងអស់នៅកន្លែងធ្វើការ និងទាំងក្នុងការប្រាស្រ័យទាក់ទងគ្នាជាមួយអ្នកដទៃ ជាពិសេសក្នុងពេលចុះទៅកាន់កន្លែងមានហានិភ័យខ្ពស់ ៕
ចែករំលែកព័តមាននេះ