ឪពុកមា និងត្រូវជាគ្រូបង្វឹកផ្ទាល់របស់ Floyd ទទួលមរណភាពនៅវ័យ៥៨ឆ្នាំ
លោក Roger Mayweather ដែលត្រូវឪពុកមា និងជាគ្រូបង្វឹករបស់កីឡាករប្រដាល់ Floyd Mayweather បានទទួលមរណភាពក្នុងវ័យ៥៨ឆ្នាំ នេះបើយោងតាមការចុះផ្សាយពី BBC។…
លោក Roger Mayweather ដែលត្រូវឪពុកមា និងជាគ្រូបង្វឹករបស់កីឡាករប្រដាល់ Floyd Mayweather បានទទួលមរណភាពក្នុងវ័យ៥៨ឆ្នាំ នេះបើយោងតាមការចុះផ្សាយពី BBC។…
លោក Roger Mayweather ដែលត្រូវឪពុកមា និងជាគ្រូបង្វឹករបស់កីឡាករប្រដាល់ Floyd Mayweather បានទទួលមរណភាពក្នុងវ័យ៥៨ឆ្នាំ នេះបើយោងតាមការចុះផ្សាយពី BBC។
មុនពេលក្លាយជាគ្រូបង្វឹកលោក Roger គឺជាម្ចាស់ជើងឯកពិភពលោក ដោយកាន់ខ្សែក្រវ៉ាត់ប្រភេទទម្ងន់ Featherweight និង Welterweight ក្នុងឆ្នាំ១៩៨០ ។
លោកបានចាប់ផ្តើមធ្វើការជាមួយ Floyd នៅចុងទសវត្សឆ្នាំ១៩៩០ គ្រាដែលក្មួយប្រុសលោកមិនដែលចាញ់សោះ នៅក្នុងការប្រកួតចំនួន៥០លើក និងទទួលបានកេរ្តិ៍ឈ្មោះថា ជាអ្នកប្រយុទ្ធម្នាក់ក្នុងចំនោមអ្នកប្រយុទ្ធដ៏ល្អបំផុតគ្រប់ពេល។
ពុំមានការបញ្ជាក់ណាមួយ ពីមូលហេតុនៃការទទួលមរណភាពរបស់លោក Roger Mayweather នៅឡើយទេ។
Floyd Mayweather បានបង្ហោះនៅលើបណ្តាញសង្គម Twitter របស់ខ្លួនថា «យើងមានការសោកស្តាយចំពោះព័ត៌មានថ្មីៗនៃការទទួលមរណភាពរបស់ Roger Mayweather ។ យើងសូមអរគុណអ្នកទាំងអស់ដែលបានផ្តល់កម្លាំងចិត្តដល់ការស្រឡាញ់ និងការគាំទ្រក្នុងអំឡុងពេលនេះ។ ស្មារតីរបស់ Roger នឹងរស់នៅជាមួយយើងជារៀងរហូត» ។
នេះជាទុក្ខលើកទី២ហើយដែលបានកើតឡើងលើ Floyd Mayweather ក្នុងខែនេះ បន្ទាប់ពីអតីតមិត្តស្រីរបស់គាត់គឺនាង Josie Harris ដែលត្រូវជាម្តាយរបស់កូនៗទាំង៣របស់កំពូលកីឡាករប្រដាល់រូបនេះ ត្រូវបានគេប្រទះឃើញបាត់បង់ជីវិតនៅក្នុងរថយន្តរបស់នាង នៅរដ្ឋកាលីហ្វ័រញ៉ាកាលពីថ្ងៃទី១១ ខែមីនា ៕ (កែសម្រួលដោយ ៖ ធីតា)
ចែករំលែកព័តមាននេះ