កាលនៅជាគ្រហស្ថ ព្រះពុទ្ធកស្សបៈមានភរិយាឈ្មោះសុនន្ទា និងបុត្រឈ្មោះវិជិតសេន រស់នៅក្នុងនគរពារាណសី ជន្មាយុ២ពាន់ឆ្នាំ ទើបចេញបួស ធ្វើទុក្ករកិរិយា៧ថ្ងៃ ត្រាស់ដឹងក្រោមដើមជ្រៃជាពោធិព្រឹក្ស ។
សាសនាព្រះអង្គមានអគ្គសាវក២រូប ឧបដ្ឋាក១រូប និងអគ្គសាវិកា២រូប មានសាវកសន្និបាតតែ ១ លើក ដែលមានព្រះខីណាស្រព២ពាន់អង្គនិមន្តចូលរួម ព្រះជន្មាយុ២ហ្មឺនឆ្នាំ ទើបបរិនិព្វាន ។
កាលនោះ ព្រះសក្យមុនីរបស់យើងទ្រង់កើតជាមាណព ឈ្មោះជោតិបាល ជាអ្នករៀនមន្តចេះចប់ត្រៃវេទ ស្គាល់ផែនដីនឹងអាកាស ចេះការពាររោគ ។
គ្រានោះជោតិបាលមាណពបានចូលទៅគាល់ព្រះជិនស្រី ហើយបួសក្នុងសំណាក់ព្រះពុទ្ធអង្គនោះ ជាអ្នកមានព្យាយាមឆ្លៀវឈ្លាសក្នុងវត្តតូចធំ បានបំពេញកិច្ចការក្នុងសាសនាយ៉ាងខ្ជាប់ខ្ជួន ព្រះអង្គទ្រង់ព្យាករថា ជោតិបាលភិក្ខុនេះនឹងបានត្រាស់ជាព្រះពុទ្ធក្នុងអនាគតកាលមិនខាន ។ សាន សារិន
ចែករំលែកព័តមាននេះ