ប្រភពពីសហព័ន្ធបាល់ទាត់ប្រទេសជប៉ុន (JFA) បានឱ្យដឹងកាលពីថ្ងៃអង្គារថា ប្រធានសមាគមបាល់ទាត់ជប៉ុនលោក Kozo Tashima បានធ្វើតេស្តរកឃើញថាសញ្ញាវិជ្ជមានចំពោះវីរុស Covid-19 នេះបើយោងតាមការចុះផ្សាយពី Japantimes។…
ប្រភពពីសហព័ន្ធបាល់ទាត់ប្រទេសជប៉ុន (JFA) បានឱ្យដឹងកាលពីថ្ងៃអង្គារថា ប្រធានសមាគមបាល់ទាត់ជប៉ុនលោក Kozo Tashima បានធ្វើតេស្តរកឃើញថាសញ្ញាវិជ្ជមានចំពោះវីរុស Covid-19 នេះបើយោងតាមការចុះផ្សាយពី Japantimes។
មិនត្រឹមតែជាប្រធានសមាគមបាល់ទាត់ជប៉ុនប៉ុណ្ណោះទេ តែលោក Kozo Tashima ក៏មានតំណែងជាក្រុមប្រឹក្សាភិបាលរបស់សហព័ន្ធបាល់ទាត់ពិភពលោក FIFA និងបច្ចុប្បន្នជាអនុប្រធានគណៈកម្មាធិការអូឡាំពិកជប៉ុន ក្នុងចំណោមតួនាទីជាន់ខ្ពស់ដទៃទៀតនៅក្នុងរដ្ឋបាលកីឡាប្រទេសនេះ។
បុរសវ័យ៦២ឆ្នាំរូបនេះធ្លាប់បានធ្វើដំណើរទៅកាន់ប្រទេសអង់គ្លេស ហូឡង់និងសហរដ្ឋអាមេរិកចាប់ពីចុងខែកុម្ភៈដល់ដើមខែមីនា ដើម្បីចូលរួមកម្មវីធីផ្សេងរបស់ FIFA ។
នៅក្នុងសេចក្តីថ្លែងការណ៍របស់ JFA លោក Tashima បាននិយាយថាលោកមានអារម្មណ៍ថាសុខភាពល្អជាធម្មតា ទោះបីជាលោកមានអាការៈក្តៅខ្លួនបន្តិចបន្តួចយ៉ាងណាក្តី ៕
ចែករំលែកព័តមាននេះ