បន្ទាប់ពីមានការសម្រេចផ្លាស់ប្តូរព្រឹត្តិការណ៍ Euro 2020 ទៅធ្វើនៅឆ្នាំ២០២១ គណៈអភិបាលរបស់សហព័ន្ធបាល់ទាត់ទ្វីបអឺរ៉ុប UEFA បានប្រកាសពីការប្តេជ្ញាចិត្តលើការប្រកួតលីគក្នុងស្រុកនៅអឺរ៉ុប និងពានរង្វាន់អឺរ៉ុបទាំងអស់ក្នុងនោះរួមមានទាំង Champions League…
បន្ទាប់ពីមានការសម្រេចផ្លាស់ប្តូរព្រឹត្តិការណ៍ Euro 2020 ទៅធ្វើនៅឆ្នាំ២០២១ គណៈអភិបាលរបស់សហព័ន្ធបាល់ទាត់ទ្វីបអឺរ៉ុប UEFA បានប្រកាសពីការប្តេជ្ញាចិត្តលើការប្រកួតលីគក្នុងស្រុកនៅអឺរ៉ុប និងពានរង្វាន់អឺរ៉ុបទាំងអស់ក្នុងនោះរួមមានទាំង Champions League និង Europa League សម្រាប់រដូវកាលនេះ (២០១៩-២០២០) ឱ្យបញ្ចប់ត្រឹមថ្ងៃទី៣០ ខែមិថុនា។
កាលព្រឹកថ្ងៃអង្គារ បន្ទាប់ពីមានការពិភាក្សាគ្នានៅក្នុងសន្និសីទវីដេអូ (Video Conference) មួយដែលត្រូវបានរៀបចំឡើងដោយ UEFA វាត្រូវបានប្រកាសថា Euro 2020 នឹងត្រូវបានពន្យារពេល១២ខែ ដោយទទួលស្គាល់ពីផលប៉ះពាល់ នៃការរីករាលដាលវីរុស Covid-19 លើប្រតិទិនកីឡា។
សូមបញ្ជាក់ជូនថា គិតមកទល់ព្រឹកថ្ងៃទី១៨ មីនានេះ ករណីឆ្លងវីរុស Covid-19 ឡើងដល់ជិត ២០០.០០០ករណី ខណៈដែលអ្នកបាត់បង់ជីវិតកើនដល់ជិត៨.០០០នាក់នៅជុំវិញពិភពលោក ៕ (ដកស្រង់ចេញពី Goal.com)
ចែករំលែកព័តមាននេះ