ប្រទេសកូរ៉េខាងត្បូង ៖ ប្រទេសកូរ៉េខាងត្បូងនាថ្ងៃទី១៧មីនាកត់សម្គាល់ឃើញ ចំនួនអ្នកឆ្លងថ្មីនៃវីរុសCIVID-19ប្រចាំថ្ងៃមកនៅត្រឹមលេខ២ខ្ទង់ សម្រាប់៣ថ្ងៃជាប់គ្នាតែនៅក្រុងសេអ៊ូលនិងបណ្ដាតំបន់ជុំវិញនោះ មានអ្នកឆ្លងថ្មីពេលនះលើសពីនៅក្រុងDAEGU និងខេត្តGYEONGSANGខាងជើង ចំណុចកណ្ដាលនៃការឆ្លងខ្លាំងពីដំបូងនៃវីរុសនេះ។
យោងតាមមជ្ឈមណ្ឌលត្រួតពិនិត្យនិងបង្ការជំងឹកូរ៉េខាងត្បូងថា មានអ្នកឆ្លងថ្មី៨៤នាក់កត់សម្គាល់ឃើញនាថ្ងៃទី១៦មីនា នាំឲ្យចំនួនអ្នកឆ្លងសរុបឡើងដល់៨.៣២០នាក់ក្នុងប្រទេសនេះ។ ក្នុងចំណោមអ្នកឆ្លងថ្មីទាំង៨៤នាក់ ៣២នាក់នៅក្រុងDAEGUនិង៥នាក់នៅខេត្តGYEONGSANGខាងជើង។
ក្រុងសេអ៊ូល ក្រុងINCHEON និងខេត្តGYEONGGI ចំនួនអ្នកឆ្លងថ្មី ប្រចាំថ្ងៃកើនដល់៤៤នាក់នាថ្ងៃទី១៦មីនាឡើងដល់សរុប៥៥៨នាក់។ នេះជាលើកទីមួយហើយដែលតំបន់ក្រុងសេអ៊ូល មានអ្នកឆ្លងថ្មីលើសពីនៅក្រុងDAEGUនិងGYEONGSANGខាងជើង ខណៈអាជ្ញាធរសុខាភិបាលខិតខំលុបបំបាត់ប្រភពនៃការចម្លងនៅទូទាំងប្រទេស។ ក្នុងចំណោមអ្នកឆ្លងវីរុសនោះនៅកូរ៉េខាងត្បូង មនុស្ស៨១នាក់ភាគច្រើនជាមនុស្សចាស់និងមានជំំងឹប្រចាំកាយស្រាប់បានបាត់បង់ជីវិត៕ ដកស្រង់ចេញពីវេបសាយ ៖ yna (កែសម្រួលដោយ ៖ បុប្ផា)
ចែករំលែកព័តមាននេះ