ប្រទេសអ៊ីរ៉ង់ ៖ អ្នកទទួលខុសត្រូវម្នាក់នៃក្រសួងសុខាភិបាលអ៊ីរ៉ង់ ប្រកាសនាថ្ងៃទី១៦មីនាថា តុល្យការនៃការឆ្លងវីរុសCOVID-19នៅអ៊ីរ៉ង់នាពេលនេះ អ្នកបាត់បង់ជីវិតបានឡើងដល់៨៥៣នាក់ជាមួយអ្នកបាត់បង់ជីវិតថ្មី១២៩នាក់ថែមទៀត រយៈពេល២៤ម៉ោងចុងក្រោយនេះ។
តាមTWITTERលោកALIREZA VAHABZADEHថ្លែងថា រយៈពេល២៤ម៉ោងចុងក្រោយនេះ យើងមានអ្នកឆ្លងវីរុសថ្មី១.០៥៣នាក់និងអ្នកបាត់បង់ជីវិតថ្មី១២៩នាក់។ ដើម្បីទប់ការឆ្លងរាលដាលនៃវីរុសនេះ អ៊ីរ៉ង់ជាប្រភពនៃការចម្លងសំខាន់មួយ ក្នុងចំណោមប្រភពចម្លងសំខាន់ៗនៃវីរុសលើពិភពលោក អាជ្ញាធរប្រទេសនេះបានស្នើដល់ប្រជាជនឲ្យស្ថិតនៅក្នុងផ្ទះ។
ការឆ្លងរាលដាលនៃវីរុសនោះនៅអ៊ីរ៉ងគឺឆ្លងរហូតដល់ក្នុងជួរថ្នាក់ដឹកនាំនយោបាយ មន្ត្រីជាន់ខ្ពស់ និងបណ្ដាតំណាងទាំងឡាយនៃសាសនារហូតដល់បណ្ដាគ្រូពេទ្យ និងដល់ក្នុងផ្ទៃកងកម្លាំងបដិវត្តន៍អ៊ីរ៉ង់។ យោងតាមណ្ដាសារព័ត៌មានផ្លូវការថា វីរុសបណ្ដាលឲ្យមានអ្នកបាត់បង់ជីវិតច្រើននាក់ក្នុងចំណោមអ្នកទទួលខុសត្រូវទាំងនោះ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ