រាជធានីភ្នំពេញ ៖ ដើម្បីចៀងវាងការឆ្លងជំងឺកូវីដ១៩ រដ្ឋសភាបានសម្រេចផ្អាកបញ្ជូនមន្ត្រីរបស់ខ្លួនទៅចូលរួមកិច្ចប្រជុំផ្សេងៗ នៅបណ្តាប្រទេសនានា និងឲ្យមន្ត្រីមួយចំនួនធ្វើការតាមអនឡាញ ។ នេះ បើតាមអ្នកនាំពាក្យរដ្ឋសភា ។…
រាជធានីភ្នំពេញ ៖ ដើម្បីចៀងវាងការឆ្លងជំងឺកូវីដ១៩ រដ្ឋសភាបានសម្រេចផ្អាកបញ្ជូនមន្ត្រីរបស់ខ្លួនទៅចូលរួមកិច្ចប្រជុំផ្សេងៗ នៅបណ្តាប្រទេសនានា និងឲ្យមន្ត្រីមួយចំនួនធ្វើការតាមអនឡាញ ។ នេះ បើតាមអ្នកនាំពាក្យរដ្ឋសភា ។
លោកឡេង ប៉េងឡុង អគ្គលេខាធិការដ្ឋានរដ្ឋសភា និងជាអ្នកនាំពាក្យរដ្ឋសភាបានឲ្យដឹង ក្រោយកិច្ចប្រជុំគណៈកម្មាធិការអចិន្ត្រៃ នាព្រឹកថ្ងៃទី១៧ ខែមីនានេះ បានលើកឡើងថា ក្នុងកិច្ចប្រជុំក៏បានពិភាក្សា ដើម្បីទប់ស្កាត់ការរីករាលដាលនូវជំងឺកូវីដ ១៩ផងដែរ ។ លោកបញ្ជាក់ថា ៖«យើងធ្វើតាមការណែនាំរបស់ក្រសួងខាភិបាល ដូចជា លាងដៃនឹងសាប៊ូ អាល់កុល កុំទាក់ទងគ្នាញឹកញាប់ពេក ហើយការប្រជុំយើងបិទ កុំឲ្យមានការប្រជុំ ។ យើងចៀសវាងឆ្លង យើងនឹងអនុវត្តការងារធ្វើតាមអនឡាញ» ។
លោកបន្ថែមថា អ្នកណាដែលធ្វើការតាមអនឡាញ គឺធ្វើការតាមអនឡាញ ។ យើងនឹងធ្វើការប្រាស្រ័យទាក់ទង និងតាមអនឡាញ ហើយសភានឹងធ្វើការផ្សព្វផ្សាយក្នុងផេកហ្វេសប៊ុករដ្ឋសភា ។ ការធ្វើចរាចរណ៍ឯកសារផ្សេងៗនឹងត្រូវបន្ថយឲ្យនៅតិចបំផុត ហើយអ្នកធ្វើការតាមអនឡាញវិញ ។ អ្នកនាំពាក្យក៏បានឲ្យដឹងថា ចំពោះកិច្ចប្រជុំនៅក្នុងតំបន់ និងពិភពលោកត្រូវបានលើកពេលហើយ ក្នុងនោះកិច្ចប្រជុំកំពូល អាស៊ានត្រូវបានលើកពេលដែលកិច្ចប្រជុំនេះត្រូវប្រជុំនៅខែមេសាខាងមុខនេះ ។
ជាមួយគ្នានោះដែរ អ្នកនាំពាក្យរដ្ឋសភាក៏បានឲ្យដឹងថា គណៈកម្មាធិការអចិន្ត្រៃរដ្ឋសភាសម្រេចប្រគល់សេចក្តីព្រាងច្បាប់ចំនួន៥ ទៅគណៈកម្មការជំនាញរដ្ឋសភាសិក្សា និងពិនិត្យរួចធ្វើរបាយការណ៍ប្រគល់ជូនគណៈកម្មាធិការអចិន្ត្រៃយ៍រដ្ឋសភាវិញ ដើម្បីកំណត់ថ្ងៃប្រជុំវិសាមញ្ញរដ្ឋសភានៅពេលខាងមុខ ៕
ចែករំលែកព័តមាននេះ