កូឡាឡាំពួ ៖ ការភ័យខ្លាចបានបង្កឲ្យប្រជាជនម៉ាឡេស៊ីស្លន់ស្លោនាំគ្នាសម្រុកទៅទិញទំនិញ នៅតាមផ្សារទំនើបនានា មកទុកនៅផ្ទះ បន្ទាប់ពីនាយករដ្ឋមន្ត្រីលោក Muhyiddin Yassin បានប្រកាសនៅថ្ងៃចន្ទទី១៦ មីនា ម្សិលមិញថា ប្រទេសម៉ាឡេស៊ីកំពុងដាក់ចេញនូវវិធានការរឹតត្បិត រួមទាំងការបិទហាង សាលារៀន និងការហាមឃាត់ការធ្វើដំណើរ ក្នុងកិច្ចប្រឹងប្រែងដើម្បីទប់ស្កាត់ការផ្ទុះឡើងនិងឆ្លងរាលដាលនៃវីរុស COVID-19 នេះបើយោងតាមការចេញផ្សាយរបស់ទីភ្នាក់ងារព័ត៌មានចិន ស៊ីនហួរ នាព្រឹកថ្ងៃទី១៧ មីនានេះ ។
គិតមកត្រឹមព្រឹកថ្ងៃដដែលនេះ ចំនួនអ្នកឆ្លងសរុបនៅទូទាំងប្រទេសម៉ាឡេស៊ី កើនដល់ ៥៦៦ករណីហើយ ដោយក្នុងនោះ ៤២នាក់ ត្រូវបានព្យាបាលជាសះស្បើយ ៥២៤ នាក់កំពុងសម្រាកព្យាបាល ក្នុងនោះមាន ៩នាក់ធ្ងន់ធ្ងរ ។ ចំនួននេះ នាំម៉ាឡេស៊ី ក្លាយជាប្រទេសដែលមានអ្នកឆ្លងវីរុសកូវីដ-១៩ ខ្ពស់បំផុតនៅក្នុងតំបន់អាស៊ាន ៕
ចែករំលែកព័តមាននេះ