រាជធានីភ្នំពេញ ៖ តាមរយៈស្ថានទូតចិននៅកម្ពុជា បានឲ្យដឹងថា ជំនួយសម្រាប់ប្រយុទ្ធប្រឆាំងនឹងវីរុសកូវីដ ១៩ នឹងមកដល់កម្ពុជា នៅយប់ថ្ងៃនេះ ១៧ មីនា…
រាជធានីភ្នំពេញ ៖ តាមរយៈស្ថានទូតចិននៅកម្ពុជា បានឲ្យដឹងថា ជំនួយសម្រាប់ប្រយុទ្ធប្រឆាំងនឹងវីរុសកូវីដ ១៩ នឹងមកដល់កម្ពុជា នៅយប់ថ្ងៃនេះ ១៧ មីនា នេះ។
យោងតាមព័ត៌មានពីផេកផ្លូវការរបស់ស្ថានទូតចិននៅកម្ពុជា បានសរសេរថា «តាមការប៉ាន់ស្មានទុកមុន នារាត្រីថ្ងៃទី១៧ ខែមីនា សារធាតុ Detection Reagent ជំងឺវីរុស COVID-19 សម្រាប់២០០០នាក់ ដែលជាជំនួយរបស់ភាគីចិនជូនចំពោះភាគីកម្ពុជា នឹងមកដល់រាជធានីភ្នំពេញតាមជើងហោះហើរ ហើយជំនួយសារធាតុទាំងនេះ នឹងត្រូវបានទទួលដោយក្រសួងសុខាភិបាល នៃប្រទេសកម្ពុជា។
ប្រទេសចិននឹងបន្តផ្តល់ជំនួយជាសម្លៀកបំពាក់ការពារ ម៉ាសវេជ្ជសាស្ត្រ និងសម្ភារៈផ្សេងទៀតជាបន្តបន្ទាប់ និងព្រមទាំងខិតខំផ្តល់ជាកម្លាំងជំរុញគាំទ្រក្នុងកិច្ចទប់ស្កាត់នឹងជងឺវីរុស ជូនចំពោះភាគីកម្ពុជា» ។
សូមរម្លឹកថា កម្ពុជាបានរកឃើញករណីកើតមាន វីរុសកូវីដ ១៩ សរុប២៤ករណី គិតត្រឹមព្រឹកថ្ងៃទី១៧ ខែមីនានេះ ៕ (កែសម្រួលដោយ ៖ បុប្ផា)
ចែករំលែកព័តមាននេះ