ខេត្តកណ្ដាល ៖ កម្លាំងនគរបាលនៃអធិការដ្ឋានស្រុកអង្គស្នួលរួមជាមួយនគរបាលប៉ុស្តិ៍បែកចាននិងប៉ុស្តិ៍ឆក់ឈើនាង បានចុះទៅធ្វើការបង្ក្រាបសង្វៀនជល់មាន់មួយកន្លែង ហើយបានឃាត់ខ្លួនបុរស៣នាក់ ព្រមទាំងដកហូតបានវត្ថុតាងមួយចំនួនផងដែរ ចំណែកមនុស្សមួយចំនួនទៀតបានរត់គេចខ្លួនបាត់។ ប្រតិបត្តិការចុះបង្ក្រាបខាងលើនេះបានធ្វើឡើងកាលពីវេលាម៉ោង១០និង៣០នាទីព្រឹកថ្ងៃទី១៥ ខែមីនា ឆ្នាំ២០២០…
ខេត្តកណ្ដាល ៖ កម្លាំងនគរបាលនៃអធិការដ្ឋានស្រុកអង្គស្នួលរួមជាមួយនគរបាលប៉ុស្តិ៍បែកចាននិងប៉ុស្តិ៍ឆក់ឈើនាង បានចុះទៅធ្វើការបង្ក្រាបសង្វៀនជល់មាន់មួយកន្លែង ហើយបានឃាត់ខ្លួនបុរស៣នាក់ ព្រមទាំងដកហូតបានវត្ថុតាងមួយចំនួនផងដែរ ចំណែកមនុស្សមួយចំនួនទៀតបានរត់គេចខ្លួនបាត់។
ប្រតិបត្តិការចុះបង្ក្រាបខាងលើនេះបានធ្វើឡើងកាលពីវេលាម៉ោង១០និង៣០នាទីព្រឹកថ្ងៃទី១៥ ខែមីនា ឆ្នាំ២០២០ នៅចំណុចដីចំការ ស្ថិតនៅក្នុងភូមិថ្មី ឃុំបែកចាន ស្រុកអង្គស្នួល ខេត្តកណ្តាល។
បុរសដែលត្រូវចាប់ខ្លួនទាំង៣នាក់ខាងលើ រួមមាន១-ឈ្មោះឈីវ នី អាយុ៣៨ឆ្នាំ មុខរបរកសិករ មានទីលំនៅក្នុងភូមិត្រឹប សង្កាត់កំបូល ខណ្ឌកំបូល រាជធានីភ្នំពេញ ២-ឈ្មោះស៊ិន ខ្នា អាយុ៣៥ឆ្នាំ មុខរបរជាងម៉ាស៊ីន មានទីលំនៅក្នុងភូមិព្រៃសំរោង ឃុំបែកចាន ស្រុកអង្គស្នួល ខេត្តកណ្តាល និង៣-ឈ្មោះជា ភេទប្រុស អាយុ៣៤ឆ្នាំ មុខរបរកម្មកររោងចក្រ មានទីលំនៅក្នុងភូមិត្រពាំងទ្រា ឃុំបែកចាន ស្រុកអង្គ ស្នួល ខេត្តកណ្តាល។
នគរបាលដកហូតវត្ថុតាងរួមមាន មាន់ជល់១ក្បាល, ឡាំងក្រដាសយហ៊ុមព័ទ្ធធ្វើសង្វៀនមួយចំនួន, ចង្ក្រានហ្គាស់១, ធុងប៉េត្រូចំនួន២, ឆ្នាំង១, កាំបិតចុងស្រួច១, បោយដងទឹកពណ៌ក្រហម១, លុយចំនួន៤២ម៉ឺនរៀល, លុយ១០០ដុល្លារ, ម៉ូតូចំនួន៥គ្រឿង រួមមាន១-ម៉ូតូម៉ាកហុងដាឌ្រីម ធុនសេ១២៥ ពណ៌ខ្មៅ ស៊េរីឆ្នាំ២០២០ ពាក់ស្លាកលេខ ព្រៃវែង ១R-៨៤១៦, ២-ម៉ូតូម៉ាកហុងដាឌ្រីម ធុនសេ១២៥ ស៊េរីឆ្នាំ២០១៨ ពណ៌ខ្មៅ ពាក់ស្លាកលេខភ្នំពេញ ១HD-៩៧៥៦, ៣-ម៉ូតូម៉ាកហុងដាឌ្រីម សេ១២៥ ស៊េរីឆ្នាំ២០១៥ ពណ៌ខ្មៅ ពាក់ស្លាកលេខ ភ្នំពេញ ១DG-៨៧៨៣, ៤-ម៉ូតូម៉ាកហុងដាវ៉េវ ស៊េរីឆ្នាំ២០១៤ ពណ៌ក្រហម ពាក់ស្លាកលេខ ភ្នំពេញ ១FE-៤៩២២, ៥-ម៉ូតូម៉ាកហុងដាឃ្លីក ស៊េរីឆ្នាំ២០០១ ពណ៌ខ្មៅលាយក្រហម ពាក់ស្លាកលេខ តាកែវ ១H-៥៥៦០ និងទូរស័ព្ទចំនួន៣គ្រឿង ។
នគរបាលបានប្រាប់ថា សង្វៀនជល់មាន់ខាងលើនោះបានបើកលេងដោយលួចលាក់ហើយមានការភ្នាល់លុយច្រើនៗថែមទៀតផង ហើយមុននិងឈានដល់ការចុះបង្ក្រាបបាននេះកម្លាំងនគរបាលនៃអធិការដ្ឋានស្រុកអង្គស្នួល រួមជាមួយនគរបាលប៉ុស្តិ៍បែកចាន និងប៉ុស្តិ៍ឆក់ឈើនាង ក្រោមការបញ្ជានិងដឹកនាំដោយលោកវរសេនីយ៍ឯកមាន សំណាង បានធ្វើការស្រាវជ្រាវរហូតរកឃើញទីតាំងនោះ ទើបចុះទៅបង្ក្រាប ដោយមានអ្នកលេងច្រើនដែរ ប៉ុន្តែខណៈកម្លាំងសមត្ថកិច្ចចុះទៅដល់ មនុស្សមួយចំនួនបានរត់គេចអស់ ដោយកម្លាំងសមត្ថកិច្ចចាប់ឃាត់ខ្លួនបានចំនួន៣នាក់ ព្រមទាំងវត្ថុតាងខាងលើរួចនាំយកទៅកាន់អធិការដ្ឋាននគរបាលស្រុកដើម្បីសាកសួរនិងបញ្ជូនទៅសាលាដំបូងខេត្តកណ្ដាលចាត់ការតាមច្បាប់តែម្ដង៕ (កែសម្រួលដោយ ៖ ធីតា)
ចែករំលែកព័តមាននេះ