ប្រទេសចិន ៖ អាជ្ញាធរសុខាភិបាលចិនប្រកាសនាថ្ងៃទី១៦មីនាថា បានទទួលព័ត៌មានទាក់ទិននឹងអ្នកឆ្លងវីរុសCOVID-19ចំនួន១៦នាក់ថ្មី និងពីអ្នកបាត់បង់ជីវិតថ្មី១៤នាក់នាថ្ងៃទី១៥មីនានៅចិនដីគោក។
អ្នកបាត់បង់ជីវិតទាំងអស់ត្រូវបានកត់សម្គាល់ឃើញក្នុងខេត្តហ៊ូប៉ី។ ម្យ៉ាងវិញទៀតនាថ្ងៃទី១៥មីនាមនុស្ស៨៣៨នាក់ទៀត បានចាកចេញពីមន្ទីរពេទ្យក្រោយជាសះស្បើយ ចំណែកចំនួនអ្នកជំងឺធ្ងន់នៅសល់៣.០៣២នាក់។ ចំនួនសរុបនៃអ្នកឆ្លងវីរុសនៅចិនដីគោក បានឡើងដល់៨០.៨៦០នាក់ ក្នុងនោះ៩.៨៩៨នាក់ស្ថិតក្នុងមន្ទីរពេទ្យ។ សរុបអ្នកជំងឺ៦៧.៧៤៩នាក់បានចាកចេញពីមន្ទីរពេទ្យ ក្រោយជាសះស្បើយហើយមនុស្ស៣.២១៣នាក់បាត់បង់ជីវិត។
កូរ៉េខាងត្បូងចំនួនអ្នកឆ្លងថ្មីបន្តធ្លាក់ចុះ
នៅកូរ៉េខាងត្បូងចំនួនអ្នកឆ្លងវីរុសនោះថ្មីបន្តធ្លាក់ចុះគិតមកដល់ថ្ងៃទី១៦មីនា ។ ប្រទេសនោះរាយការណ៍ពីអ្នកឆ្លងថ្មី៧៤នាក់ដែលមានការចុះថយបន្តិច បើប្រៀបធៀបទៅនឹង៧៦នាក់នាពេលមុននេះ នាំឲ្យចំនួនអ្នកឆ្លងសរុបក្នុងប្រទេសនេះឡើងដល់៨.២៣៦នាក់។ រហូតមកទល់ពេលនេះអ្នកជំងឹ៧៥នាក់ភាគច្រើនជាមនុស្សចាស់មានជំងឹប្រចាំកាយស្រាប់បានបាត់បង់ជីវិត។
អ៊ីរ៉ង់ចំនួនអ្នកបាត់បង់ជីវិតឡើងដល់៧២៤នាក់
ក្រសួងសុខាភិបាលអ៊ីរ៉ង់ប្រកាសនាថ្ងៃទី១៥មីនា ពីអ្នកជំងឹ១១៣នាក់ទៀតបាត់បង់ជីវិតដែលនោះជាចំនួនដ៏ច្រើនក្នុង១ថ្ងៃនៃអ្នកបាត់បង់ជីវិតក្នុងប្រទេសនោះ ដោយសារវីរុសCOVID-19 នាំឲ្យចំនួនអ្នកបាត់បង់ជីវិតសរុបឡើងដល់៧២៤នាក់ក្នុងចំណោមអ្នកឆ្លងសរុប១៣.៩៣៨នាក់ នាំឲ្យអ៊ីរ៉ង់ក្លាយជាប្រទេសមួយក្នុងចំណោមប្រទេសដែលរងការប៉ះពាល់ខ្លាំងបំផុតលើពិភពលោក។ អាជ្ញាធរនិយាយថាបានកត់សម្គាល់ឃើញអ្នកឆ្លងថ្មី១.២០៩នាក់ រយៈពេល២៤ម៉ោងចុងក្រោយនេះ៕ ដកស្រង់ចេញពីវេបសាយ ៖ yahoo (កែសម្រួឡដោយ ៖ បុប្ផា)
ចែករំលែកព័តមាននេះ