បុរសម្នាក់តូចចិត្ត ព្រោះសង្សាសំណព្វចិត្តដែលស្គាល់គ្នាតាម ទូរស័ព្ទនិងសូម្បីតែមុខមាត់យ៉ាងម៉េចក៏មិនដឹងសោះនោះប្រាប់ថានាងជិតចូលរោងការ ក៏មានអារម្មណ៍អស់សង្ឃឹមក្នុងជីវិត ហើយសម្រេចចិត្តជិះតាក់ស៊ីចម្ងាយជាង100គីឡូម៉ែត្រមកលោតទឹក
សម្លាប់ខ្លួននៅស្ពានជ្រោយចង្វា ។ នៅពេលចាប់ផ្តើមលោត ស្រាប់តែលោកប៉ូលិសប្រចាំការនៅគល់ស្ពានមកជួយទាន់ រួចយកគាត់ទៅណែនាំកុំឱ្យគិតខ្លីបែបនេះទៀត ហើយក៏ឱ្យគាត់ត្រឡប់ទៅវិញ ។
ដឹងអី គ្រាន់តែចេញផុតពីប៉ុស្តិ៍ភ្លាម ក៏រត់ទៅលោតទឹកម្តងទៀតធ្វើឱ្យលោកប៉ូលិសខន្តីលែងបានក៏លាន់មាត់ថា ឯងហ៊ានលោត អញបាញ់! លោកប៉ូសិសស្រែកគំរាមបាញ់ពីរបីដង បុរសនោះក៏លែងហ៊ានលោត និងបាននិយាយទាំងទឹកភ្នែកថា លោកប៉ូលិសកុំបាញ់ខ្ញុំអី ! ចំណែកអ្នកដំណើរលាន់មាត់ថា បើខ្លាចប៉ូលិសបាញ់ស្លាប់អីុចឹង មកលោតទឹកធ្វើអី ៕
ចែករំលែកព័តមាននេះ