ឱ! ញាតិញោមពុទ្ធបរិស័ទទាំឡាយ គួរប្រតិបត្តិនូវការមានប្រយោជន៍គួរខំធ្វើ វិជ្ជាចេះស្ទើរគួរខំបំពេញ អំពើអកុសលមាននៅគួរលះចេញ បើជួញបានចំណេញគួរខំជួញ គួរយកបញ្ញាធ្វើជាទិសដៅនៃដំណើរជីវិត ។
អ្នកណាមិនមានបញ្ញា មានខ្លួនប្រាសចាកពីការចេះដឹង សូម្បីរស់នៅអស់មួយរយឆ្នាំ ការរស់នៅនៃជននោះ ពុំប្រសើរស្មើនឹងការរស់នៅត្រឹមតែមួយថ្ងៃនៃជនដែលមានបញ្ញា មានខ្លួនតម្កល់នៅក្នុងសេចក្តីចេះដឹងល្អហើយ ។
ព្រោះថា អ្នកដែលមានជីវិតរស់នៅអស់កាលយូរ តែពុំបានសិក្សាចំណេះវិជ្ជានានា ទាំងផ្លូវលោក ទាំងផ្លូវធម៌ មានការមិនសេពគប់បណ្ឌិត សប្បុរសជាដើម បណ្តោយឱ្យជីវិតរស់នៅប្រាសចាកបញ្ញាដូច្នោះ គឺជាជីវិតអាប់អន់បំផុត បើរស់នៅយូរទៅកាន់តែថោកទាបណាស់ ត្បិតពុំមានអ្វីជាស្នាដៃក្នុងការអភិវឌ្ឍជាតិ សាសនានោះឡើយ ។ សាន សារិន
ចែករំលែកព័តមាននេះ