ពាក្យចាស់ពោលថា «ធ្វើល្អមួយរយសំពៅ ទោសតូចមួយចូលទៅ ត្រូវរលាយអំពើល្អគ្មានសល់» ។ ភាសិតនេះលោកចង់ដាស់តឿនដល់មនុស្សគ្រប់រូបកុំឱ្យធ្វេសប្រហែសនឹងការធ្វើល្អត្រូវប្រព្រឹត្តធ្វើឱ្យបានរឿយៗ ដើម្បីហាមឃាត់ចិត្តមិនឱ្យធ្លាក់ថ្លោះធ្លោយទៅក្នុងអំពើអាក្រក់ណាមួយ ព្រោះអំណាចនៃអំពើអាក្រក់នេះមានឥទ្ធិពលខ្លាំងក្លាណាស់ កាលណាវាចូលទៅហើយរមែងគ្របសង្កត់នូវអំពើល្អដែលយើងខំសន្សំមកនោះទាំងអស់ ។…
ពាក្យចាស់ពោលថា «ធ្វើល្អមួយរយសំពៅ ទោសតូចមួយចូលទៅ ត្រូវរលាយអំពើល្អគ្មានសល់» ។ ភាសិតនេះលោកចង់ដាស់តឿនដល់មនុស្សគ្រប់រូបកុំឱ្យធ្វេសប្រហែសនឹងការធ្វើល្អត្រូវប្រព្រឹត្តធ្វើឱ្យបានរឿយៗ ដើម្បីហាមឃាត់ចិត្តមិនឱ្យធ្លាក់ថ្លោះធ្លោយទៅក្នុងអំពើអាក្រក់ណាមួយ ព្រោះអំណាចនៃអំពើអាក្រក់នេះមានឥទ្ធិពលខ្លាំងក្លាណាស់ កាលណាវាចូលទៅហើយរមែងគ្របសង្កត់នូវអំពើល្អដែលយើងខំសន្សំមកនោះទាំងអស់ ។
ត្រូវដឹងថា សេចក្តីល្អរបស់មនុស្សគឺស្ថិតនៅលើ មាយាទល្អ សណ្ដាប់ធ្នាប់ល្អ មានសុជីវធម៌ មានអធ្យាស្រ័យយោគយល់ ចេះឲ្យអភ័យគ្នា មិនប្រកាន់ទោសអូសដំណើរ ព្រោះថា កើតមកជាមនុស្សមានការងារល្អច្រើនណាស់ដែលត្រូវធ្វើ ត្រូវសន្សំរាល់ថ្ងៃ ។
ហេតុនេះដើម្បីឲ្យបានទៅជាមនុស្សល្អពិត ត្រូវប្រឹងរៀនសូត្រឲ្យចេះអំពីមនុស្សធម៌ សីលធម៌ សុជីវធម៌ក្នុងសង្គម អានសៀវភៅដែលមានប្រយោជន៍ឲ្យបានច្រើន ហើយព្យាយាមប្រព្រឹត្តកែលំអខ្លួន កសាងខ្លួនរឿយៗរាល់ថ្ងៃ នោះនឹងល្អហើយ ។ សាន សារិន
ចែករំលែកព័តមាននេះ