ខេត្តសៀមរាប ៖ សមត្ថកិច្ចនគរបាលស្រុកវ៉ារិនបានឱ្យដឹងនៅរសៀលថ្ងៃទី១៥ ខែមីនានេះថា កាលពីវេលាម៉ោង៥និង២០នាទីល្ងាចថ្ងៃទី១៤ ខែមីនា ឆ្នាំ២០២០ នេះ ខណៈមានភ្លៀងធ្លាក់លាយឡំនិងខ្យល់កន្ត្រាក់បានកើតឡើង បណ្តាលឱ្យប៉ះពាល់ដល់លំនៅដ្ឋានប្រជាពលរដ្ឋចំនួន៧ខ្នង ស្ថិតនៅភូមិចំនួន២ភូមិ គឺភូមិរលំរុន និងភូមិវត្ត ស្ថិតក្នុងឃុំស្រែណូយ ស្រកវ៉ារិន ខេត្តសៀម រាប ក្នុងនោះរលំផ្ទះទាំងស្រុងចំនួន១ខ្នង និងប៉ើងដំបូលផ្ទះ និងសំយាបផ្ទះចំនួន៦ខ្នង ។
សមត្ថកិច្ចនគរបាលស្រុកបានឱ្យដឹងទៀតថា៖ ករណីនេះខាងលើនេះពុំបណ្ដាលឱ្យរងគ្រោះដល់មនុស្សឡើយ ។
សូមបញ្ជាក់ថា នេះជាករណីទីមួយដែលកើតមានគ្រោះធម្មជាតិនៅក្នុងខេត្តសៀមរាប សម្រាប់ដើមឆ្នាំ២០២០នេះ ៕ (កែសម្រួលដោយ ៖ ធីតា)
ចែករំលែកព័តមាននេះ