ខេត្តកណ្ដាល ៖ ប្រជាពលរដ្ឋក្រីក្រមួយគ្រួសារដែលបុរសជាប្ដីមានជម្ងឺប្រចាំកាយមិនអាចចេញទៅប្រកបការងាររកស៊ីបានឡើយ ចំណែកប្រពន្ធធ្វើជាសន្តិសុខនិងរស់នៅក្នុងផ្ទះខ្ទមតូចមួយនោះ បានទទួលការឧបត្ថម្ភនូវគ្រឿងឧបភោគបរិភោគ និងថវិកាមួយចំនួនពីលោកវរសេនីយ៍ឯក មាន សំណាង អធិការនគរបាលស្រុកអង្គស្នួល និងជាអនុប្រធានទី២…
ខេត្តកណ្ដាល ៖ ប្រជាពលរដ្ឋក្រីក្រមួយគ្រួសារដែលបុរសជាប្ដីមានជម្ងឺប្រចាំកាយមិនអាចចេញទៅប្រកបការងាររកស៊ីបានឡើយ ចំណែកប្រពន្ធធ្វើជាសន្តិសុខនិងរស់នៅក្នុងផ្ទះខ្ទមតូចមួយនោះ បានទទួលការឧបត្ថម្ភនូវគ្រឿងឧបភោគបរិភោគ និងថវិកាមួយចំនួនពីលោកវរសេនីយ៍ឯក មាន សំណាង អធិការនគរបាលស្រុកអង្គស្នួល និងជាអនុប្រធានទី២ ក្រុមការងារចុះជួយឃុំដំណាក់អំពិលរួមជាមួយមន្ត្រីក្រោមឱវាទ។
លោកអធិការនគរបាលស្រុកស្នួលបានដឹកនាំកម្លាំងនាំយកគ្រឿងឧបភោគបរិភោគ និងថវិកាមួយចំនួនទៅប្រគល់ជូនពួកគាត់ដល់គេហដ្ឋាន ស្ថិតនៅក្នុងភូមិដំណាក់អំពិល ឃុំដំណាក់អំពិល ស្រុកអង្គស្នួល ខេត្តកណ្តាល កាលពីវេលាព្រឹកថ្ងៃទី១៥ ខែមិនា ឆ្នាំ២០២០ ដើម្បីដោះទាល់ក្នុងពេលដែលពួកគាត់កំពុងជួបការលំបាក និងខ្វះខាត។
លោកមាន សំណាង អធិការនគរបាលស្រុកអង្គស្នួលបានថ្លែងថា ប្រជាពលរដ្ឋ១គ្រួសារដែលមានជីវភាពក្រីក្រខ្វះខាតខាងលើនោះប្តីឈ្មោះចាប គង់ អាយុ៦៣ឆ្នាំ មានជម្ងឺលើសឈាមប្រចាំកាយ មិនអាចចេញទៅប្រកបកិច្ចការរកស៊ីកើតឡើយគឺនៅតែផ្ទះ ចំណែកប្រពន្ធឈ្មោះឈឹម វណ្ណា អាយុ៥៩ឆ្នាំ ជាសន្តិសុខយាមរោងចក្រ និងមានកូនស្រីបង្កើតម្នាក់ជាស្រីមេម៉ាយនៅក្នុងបន្ទុក ។ សព្វថ្ងៃពួកគាត់រស់នៅក្នុងផ្ទះតៀមផ្ទាល់ដីតូចមួយសង់អំពីឈើប្រក់សង្ក័សី ហើយជញ្ជាំងបិទបាំងដោយក្ដារលាយសង្ក័សី ដែលមាទំហំ៥ម៉ែត្រគុណនឹង៦ម៉ែត្រប៉ុណ្ណោះ។
លោកអធិការបានថ្លែងបន្តទៀតថា គ្រួសារមួយនេះមិនត្រឹមតែក្រីក្រប៉ុណ្ណោះទេ ថែមទាំងត្រូវការព្យាបាលជម្ងឺបុរសជាប្ដីថែមទៀតផង ដូច្នេះពួកគាត់ពិតជាជួបការលំបាកខ្វះខាតខ្លាំងណាស់ ដោយសារតែមានការអាណិតអាសូរចំពោះពួកគាត់នោះ ទើបលោករួមជាមួយក្រុមការងារទាំងអស់ចុះសួរសុខទុក្ខ និងនាំយកនូវគ្រឿងឧបភោគបរិភោគព្រមទាំងថវិកាមួយចំនួនទៅឧបត្ថម្ភដល់ពួកគាត់ រួមមានថវិកាចំនួន១០០០០០រៀល, អង្ករ១បាវ ទម្ងន់៥០គីឡូក្រាម, ទឹកបរិសុទ្ធមួយកេស, ទឹកផ្លែឈើ១កេស, ទឹកក្រូច១កេស, មី២កេសធំ, ទឹកស៊ីអុីវ១យួរ, ទឹកត្រី១យួរ និងក្រមា១ សរុបថវិកាចំនួន៣៣៥,០០០រៀល។
ថវិកា និងគ្រឿងឧបភោគបរិភោគខាងលើនេះថ្វីដ្បិតតែមិនច្រើនប៉ុន្តែជាការចែករំលែកនិងជួយដល់ពួកគាត់ក្នុងពេលកំពុងជួបការខ្វះខាតនិងលំបាកដើម្បីដោះទាល់បានមួយគ្រាដែរ៕ (កែសម្រួលដោយ ៖ ធីតា)
ចែករំលែកព័តមាននេះ