ប្រទេសអេស្ប៉ាញ ៖ ប្រទេសអេស្ប៉ាញក៏ដូចជាបារាំងដែរ បានពង្រឹងថែមទៀត ពីបណ្ដាវិធានការប្រឈមមុខនឹងការឆ្លងរាលដាលខ្លាំងនៃវីរុសCOVID-19 ។
ចំពោះមុខការឆ្លងរាលដាលកាន់តែខ្លាំងនៃវីរុសនេះ អេស្ប៉ាញបានចាត់វិធានការខ្លាំងជាពិសេស ដោយបង្ខាំងប្រទេសស្ទើរទាំងមូល ហើយចេញការប្រកាសអាសន្នសម្រាប់រយៈពេល១៥ថ្ងៃ។
អេស្ប៉ាញជាប្រទេសអឺរ៉ុបទី២ រងការប៉ះពាល់ខ្លាំងបំផុតដោយសារវីរុសនោះ បន្ទាប់ពីអ៊ីតាលីជាមួយអ្នកឆ្លង៥.៧៥៣នាក់ និងជាប្រទេសទី៤ នៃពិភពលោកបើគិតពីចំនួនអ្នកបាត់បង់ជីវិត ជាមួយអ្នកបាត់បង់ជីវិត១៨៣នាក់។
នាយករដ្ឋមន្ត្រីអេស្ប៉ាញលោក PETRO SANCHEZ អះអាងច្បាស់ថា ពលរដ្ឋអេស្ប៉ាញអាចចេញក្រៅផ្ទះ ដើម្បីទៅធ្វើការ ទិញនំប៉័ង ទៅឱសថស្ថាន ឬទៅព្យាបាលខ្លួនតែពុំមែនទៅផ្ទះមិត្តភក្ដិ ដើម្បីជួបជុំគ្នាផឹកស៊ីហូបចុកឡើយ។ នាវេលាល្ងាចថ្ងៃទី២៤មីនា រដ្ឋាភិបាលប្រកាសពីការឆ្លងវីរុសដល់ភរិយានាយករដ្ឋមន្ត្រីរូបនេះ។
ប្រទេសបារាំងមានអ្នកឆ្លងវីរុសថ្មី៨៣០នាក់ទៀតនាំឲ្យចំនួនអ្នកឆ្លងសរុបឡើងដល់៤.៥០០នាក់ រួចក្នុងរយៈពេល២៤ម៉ោងចុងក្រោយនេះ មានអ្នកបាត់បង់ជីវិតថ្មី១២នាក់នាំឲ្យចំនួនអ្នកបាត់បង់ជីវិតសរុបឡើងដល់៩១នាក់។ ប្រទេសនោះបានពង្រឹងវិធានទប់ស្កាត់។
ប្រទេសអូទ្រីសដែលមានអ្នកឆ្លងវីរុស៦០២នាក់ អះអាងនាថ្ងៃទី១៤មីនាពីការបិទស្ថានីយលេងស្គីរបស់ខ្លួន ខណៈទីនោះជាកន្លែងប្រកួតកីឡាស្គីនសំខាន់នៅអឺរ៉ុប។ ប្រទេសស្វ៊ីសមានអ្នកឆ្លង១.៣៥៥នាក់និងអ្នកបាត់បង់ជីវិត១១នាក់។ ចំណែកអ.ស.បរាយការណ៍ពីបុគ្គលិកខ្លួនម្នាក់ឆ្លងវីរុសនៅក្រុងហ្ស៊ឺណែវ។ប្រទេសអង់គ្លេសដែលតាមផ្លូវការមានអ្នកឆ្លង១.១៤០នាក់ ក្នុងនោះបាត់បង់ជីវិតចំនួន២១នាក់ រដ្ឋាភិបាលត្រៀមហាមឃាត់ការប្រមូលផ្ដុំមនុស្សធំៗ៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ