ប្រទេសឥណ្ឌា ៖ ពួកហិណ្ឌូឥណ្ឌាជាច្រើនសិបនាក់ ក្នុងពិធីបុណ្យមួយកាលពីថ្ងៃទី១៤ ខែមីនា ឆ្នាំ២០២០ នៅក្រុងញូវដែល្លី បាននាំគ្នាផឹកទឹកនោមគោ ដោយមានជំនឿថា ទឹកនោមគោអាចជួយការពារប្រឆាំងវីរុស…
ប្រទេសឥណ្ឌា ៖ ពួកហិណ្ឌូឥណ្ឌាជាច្រើនសិបនាក់ ក្នុងពិធីបុណ្យមួយកាលពីថ្ងៃទី១៤ ខែមីនា ឆ្នាំ២០២០ នៅក្រុងញូវដែល្លី បាននាំគ្នាផឹកទឹកនោមគោ ដោយមានជំនឿថា ទឹកនោមគោអាចជួយការពារប្រឆាំងវីរុស COVID-19។
បណ្ដាសមាជិកនិងអ្នកគាំទ្រនៃក្រុមសាសនាហិណ្ឌូ ALL INDIA HINDU MAHASABHA បានប្រារព្ធពិធីបូជាភ្លើង និងច្រៀងហើយនាំគ្នាផឹកទឹកនោមគោ ដែលមានក្នុងកែវក្នុងពិធីជួបជុំគ្នាមួយ។ គោនៅឥណ្ឌាចាត់ទុកថាជាសត្វដែលគោរពបូជា ហើយរយៈពេលប៉ុន្មានឆ្នាំចុងក្រោយនេះ ពួកអ្នកមានជំនឿជឿថា ការផឹកទឹកនោមគោអាចជួយការពារបានច្រើនយ៉ាង។
បុរសមានជំនឿស៊ុបម្នាក់ដែលចូលរួម ក្នុងពិធីបុណ្យនោះដែរ បានអះអាងប្រាប់ AFP ថា មនុស្សគ្រប់គ្នាដែលផឹកទឹកនោមគោនឹងអាចជាពីជំងឺនិងការពារខ្លួនបាន។ គេចាត់ថានោះជាឱសថដ៏សាកសិទ្ធិ។
ប្រមុខក្រុមសាសនានោះ លោក CHAKRAPANI MAHARAJ មុនពេលផឹកទឹកនោមគោថ្លែងទៅកាន់បណ្ដាអ្នកកាសែតថា យើងប្រមូលផ្ដុំគ្នានាពេលនេះគឹយើងបួងសួង ដើម្បីសន្តិភាពលើពិភពលោក ហើយយើងជូនដង្វាយមួយដល់វីរុស COVID-19ដើម្បីឲ្យសម្រាល។ បន្ទាប់មកលោកបានចាក់ច្រូចទឹកនោមគោជាដង្វាយបែបសន្មត់ដល់វីរុសនោះ ដើម្បីឲ្យសម្រាលការចម្លង។
បណ្ដាអ្នកវិទ្យាសាស្ត្រនិងរដ្ឋាភិបាលនៃបណ្ដាប្រទេសដែលវីរុសនោះ កពុងរាតត្បាតខ្លាំងអះអាងថា គេនៅមិនទាន់មានវ៉ាក់សាំងឬឱសថដែលអាចការពារប្រជាជន ចំពោះការឆ្លងរាលដាលនៃវីរុសនេះនៅឡើយ ខណៈវីរុសនោះបណ្ដាលឲ្យមនុស្សបាត់បង់ជីវិតជាង៥.៤០០នាក់ហើយ និងមានអ្នកឆ្លងជិត១៥០.០០០នាក់លើពិភពលោក៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ