បើតាមព័ត៌មានចុងក្រោយបានអោយដឹងថា ភរិយារបស់នាយករដ្ឋមន្ត្រីអេស្ប៉ាញបានឆ្លងមេរោគកូវីដ១៩។ នេះជាការបញ្ជាក់របស់ខុតការិយាល័យនាយករដ្ឋមន្ត្រី។
នេះបើយោងតាមសេចក្តីរាយការណ៍ព័ត៌មាន របស់ទីភ្នាក់រ៉យទ័រអង់គ្លេសនៅថ្ងៃអាទិត្យនេះ។ ប៉ុន្តែលោកនាយករដ្ឋមន្ត្រី ផេដ្រូ សង់សេ និងភរិយាឈ្មោះ បេហ្គោណា ហ្គោមេស មានសុខភាពល្អជាធម្មតាទេ។
ចំណែករដ្ឋមន្ត្រីពីររូបទៀត គឺរដ្ឋមន្ត្រីកិច្ចការតំបន់ និងរដ្ឋមន្ត្រីត្រួតពិនិត្យគុណភាព ក៏បានធ្វើតេស្តមានមេរោគកូវីដ១៩ ដែរ។ ចំណែករដ្ឋមន្ត្រីផ្សេងទៀតគេធ្វើតេស្តមិនឃើញមាន មេរោគកូវីដ១៩នេះទេ។
ស្ថានភាពធ្ងន់ធ្ងរនៃការឆ្លងរាលដាលមេរោគកូវីដ១៩ បានបង្ខំឱ្យអេស្ប៉ាញដាក់ប្រទេសនៅក្នុងស្ថានភាពអាសន្នផងដែរ។
រហូតមកទល់ពេលនេះ អេស្ប៉ាញ មានអ្នកឆ្លងមេរោគកូវីដ១៩ចំនួនជិត៦០០០នាក់ហើយ៕ (កែសម្រួលដោយ ៖ បុប្ផា)
ចែករំលែកព័តមាននេះ