ខេត្តសៀមរាប ៖ បើតាមការអះអាងពីសមត្ថកិច្ចមូលដ្ឋានបានឱ្យដឹងថា បុរសវ័យចំណាស់ម្នាក់ ខណៈដើរឆ្លុះកូនកង្កែបក៏កើតខ្យល់គបណ្តាលឱ្យដួលធ្លាក់ចូលក្នុងទឹកស្រះបាត់បង់ជីវិត កាលពីយប់រំលងអាធ្រាត្រឈានចូលថ្ងៃទី១៤ ខែ មីនាឆ្នាំ២០២០ នៅចំណុចខាងត្បូងខ្ទមគោកតារ័ត្នវាលស្រែ (សាមសិប)…
ខេត្តសៀមរាប ៖ បើតាមការអះអាងពីសមត្ថកិច្ចមូលដ្ឋានបានឱ្យដឹងថា បុរសវ័យចំណាស់ម្នាក់ ខណៈដើរឆ្លុះកូនកង្កែបក៏កើតខ្យល់គបណ្តាលឱ្យដួលធ្លាក់ចូលក្នុងទឹកស្រះបាត់បង់ជីវិត កាលពីយប់រំលងអាធ្រាត្រឈានចូលថ្ងៃទី១៤ ខែ មីនាឆ្នាំ២០២០ នៅចំណុចខាងត្បូងខ្ទមគោកតារ័ត្នវាលស្រែ (សាមសិប) ខាងកើត ស្ថិតក្នុងភូមិខ្វែក ឃុំមោង ស្រុកស្រីស្នំ ខេត្តសៀមរាប។
ជនរងគ្រោះឈ្មោះ ជុក យឺន ភេទប្រុស អាយុ៥៨ឆ្នាំ មុខរបរកសិករ មានទីលំនៅភូមិខ្វែក ឃុំមោង ស្រុកស្រីស្នំ ខេត្តសៀមរាប។
លោកវរសេនីយ៍ឯក អ៊ុន ស្រស់ អធិការនគរបាលស្រុកស្រីស្នំ បានឱ្យដឹងកាលពីរសៀលថ្ងៃទី១៤ ខែមីនា នេះថា បន្ទាប់ពីទទួលបានព័ត៌មានខាងលើភ្លាម លោកបានដឹកនាំកម្លាំងជំនាញចុះទៅដល់កន្លែងកើតហេតុ ដើម្បីធ្វើការពិនិត្យ ។
លោកអធិការនគរបាលស្រុកស្រីស្នំបានបន្តទៀតថា តាមការបំភ្លឺពីប្រពន្ធរបស់ជនរងគ្រោះ ឈ្មោះ អុច វី អាយុ៣៨ឆ្នាំ មុខរបរកសិករ បានរៀបរាប់ប្រាប់ឱ្យដឹងថា ប្តីរបស់គាត់បានដើរឆ្លុះកូនកង្កែប (តាឡនតន) ដែលមានចំងាយប្រវែង២៥០០ម៉ែត្រពីផ្ទះ ហើយកើតខ្យល់គ បណ្តាលឱ្យដួលធ្លាក់ចូលក្នុងទឹកស្រះបាត់បង់ជីវិតពិតប្រាកដមែន មិនមានការពាក់ព័ន្ធករណីបទល្មើសព្រហ្មទណ្ឌឡើយ។
សេចក្តីសន្និដ្ឋាន ៖ ផ្អែកតាមការបំភ្លឺពីប្រពន្ធរបស់ជនរងគ្រោះ និងការពិនិត្យធ្វើកោសល្យវិច្ឆ័យរបស់សមត្ថកិច្ចមិនបានរកឃើញមានស្លាកស្នាមអី្វដែលមានការពាក់ព័ន្ធនឹងករណីបទល្មើសឡើយ។
បច្ចុប្បន្ន ជនរងគ្រោះត្រូវបានកម្លាំងជំនាញប្រគល់ទៅឱ្យក្រុមគ្រួសារដើម្បីយកទៅចាត់ ចែងធ្វើបុណ្យតាមប្រពៃណី៕ (កែសម្រួលដោយ ៖ ធីតា)
ចែករំលែកព័តមាននេះ