ជនណាប្រព្រឹត្តប្រាសចាកសេចក្តីល្អលុះស្លាប់ទៅនឹងបានទៅកាន់ទុគ្គតិភព ចំណែកបុគ្គលណាប្រតិបត្តិត្រឹមត្រូវជាផ្លូវដឹកនាំដំណើរជីវិតទៅកាន់សុគតិភព ។ បុគ្គលណាប្រព្រឹត្តខុសក្នុងមាតា ក្នុងបិតា ក្នុងព្រះសម្ពុទ្ធ ក្នុងសាវករបស់ព្រះតថាគត ជននោះរមែងបាននូវបាបដ៏ច្រើន ។ បណ្ឌិតទាំងឡាយរមែងតិះដៀលបុគ្គលនោះ…
ជនណាប្រព្រឹត្តប្រាសចាកសេចក្តីល្អលុះស្លាប់ទៅនឹងបានទៅកាន់ទុគ្គតិភព ចំណែកបុគ្គលណាប្រតិបត្តិត្រឹមត្រូវជាផ្លូវដឹកនាំដំណើរជីវិតទៅកាន់សុគតិភព ។
បុគ្គលណាប្រព្រឹត្តខុសក្នុងមាតា ក្នុងបិតា ក្នុងព្រះសម្ពុទ្ធ ក្នុងសាវករបស់ព្រះតថាគត ជននោះរមែងបាននូវបាបដ៏ច្រើន ។ បណ្ឌិតទាំងឡាយរមែងតិះដៀលបុគ្គលនោះ លុះបែកកាយរំលាយខន្ធទៅកាន់បរលោកហើយ រមែងទៅកាន់អបាយភូមិ ព្រោះការប្រព្រឹត្តមិនត្រូវតាមធម៌នោះឯង ។
ចំណែកជនណាប្រតិបត្តិល្អក្នុងមាតា ក្នុងបិតា ក្នុងព្រះសម្ពុទ្ធ ក្នុងសាវករបស់ព្រះតថាគត ជននោះរមែងបាននូវបុណ្យដ៏ច្រើន ។ បណ្ឌិតទាំងឡាយរមែងសរសើរមិនដាច់ លុះជននោះទៅកាន់លោកខាងមុខហើយ រមែងរីករាយក្នុងស្ថានសួគ៌ ព្រោះការប្រព្រឹត្តត្រូវតាមធម៌នោះឯង ។ សាន សារិន
ចែករំលែកព័តមាននេះ