រាជធានីភ្នំពេញ ៖ ក្រសួងអប់រំយុវជន និងកីឡា បានត្រៀមប្រព័ន្ធអេឡិចត្រូនិកសម្រាប់ជំនួយការសិក្សាដល់សិស្ស ខណៈកំពុងរីករាលដាល់ជំងឺរលាកផ្លូវដង្ហើមកូវីដ១៩ ។ យោងតាមសេចក្តីប្រកាសព័ត៌មានរបស់ក្រសួងអប់រំយុវជន និងកីឡា នៅថ្ងៃទី១៣…
រាជធានីភ្នំពេញ ៖ ក្រសួងអប់រំយុវជន និងកីឡា បានត្រៀមប្រព័ន្ធអេឡិចត្រូនិកសម្រាប់ជំនួយការសិក្សាដល់សិស្ស ខណៈកំពុងរីករាលដាល់ជំងឺរលាកផ្លូវដង្ហើមកូវីដ១៩ ។ យោងតាមសេចក្តីប្រកាសព័ត៌មានរបស់ក្រសួងអប់រំយុវជន និងកីឡា នៅថ្ងៃទី១៣ មីនានេះ បានឲ្យដឹងថា ដើម្បីជាជំនួយដល់ការសិក្សារបស់សិស្សានុសិស្សថ្នាក់ទី៩ និងថ្នាក់ទី១២ ដែលបានផ្អាក ការសិក្សាជាបណ្ដោះអាសន្ននៅគ្រឹះស្ថានសិក្សាសាធារណៈជន ក្នុងក្រុងសៀមរាប ខេត្តសៀមរាប ។
ក្នុងការចូលរួមទប់ស្កាត់ការរីករាលដាលជំងឺកូវីដ19 ក៏ដូចជា សម្រាប់សិស្សានុសិស្សដទៃទៀតដែលមានបំណងទទួលការបំប៉នបន្ថែម ក្រសួងអប់រំយុវជន និងកីឡាបានបង្កើតកម្មវិធីសិក្សាការរៀនតាមប្រព័ន្ធអេឡិចត្រូនិច (E-Leaning)ដោយឥតគិតថ្លៃលើមុខវិជ្ជាឯកទេសចំនួន 6 ដែលអាចឲ្យប្អូនៗសិស្សានុសិក្សាអាចនៅតែបន្តការសិក្សាបានដោយខ្លួនឯងនៅគ្រប់ទីកន្លែង និងស្របតាមវេលាផ្ទាល់ខ្លួនរបស់សិស្សានុសិស្ស សម្រាប់ជាជំនួយស្មារតីក្នុងការត្រៀមប្រឡងសញ្ញាបត្រមធ្យមសិក្សាបឋមភូមិ និងសញ្ញាបត្រទុតិយភូមិ តាមកាលបរិច្ឆេទដែលបានគ្រោងទុក ។ ក្រសួងបានបន្តថា មុខវិជ្ជាឯកទេសបង្រៀនទាំង 6 រួមមាន ៖ គណិតវិទ្យា ប្រវត្តិវិទ្យា រូបវិទ្យា គីមីវិទ្យា ជីវវិទ្យា និងភាសាខ្មែរ ។
អាចរៀនតាមរយៈមធ្យោបាយដូចខាងក្រោម ៖
១-បណ្តាញ YouTube ផ្លូវការរបស់ក្រសួង ៖ www.youtube.com/moeys.gov.kh
២-ទំព័រហ្វេសបុកផ្លូវការរបស់ក្រសួង ៖ www.facebook.com/moeys.giv.kh(ព្រឹកសម្រាបថ្នាក់ទី៩ និងរសៀលសម្រាប់ថ្នាក់ទី១២)
៣-មជ្ឈមណ្ឌលសិក្សាអេឡិចត្រូនុចរបស់ក្រសួង ៖ relearning.moeys.gov.kh ៕
ចែករំលែកព័តមាននេះ