ខេត្តបាត់ដំបង ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា អញ្ជើញចុះជួបសំណេះសំណាល និងផ្តល់អនុសាសន៍ការងារជូនដល់មន្ត្រីរាជការ នាព្រឹកថ្ងៃទី១៤ មីនា នេះ នៅលើទឹកដីខេត្តបាត់ដំបង ដើម្បីស្វែងយល់ពីសុខទុក្ខមន្ត្រីរាជការ ដើម្បីជំរុញឱ្យមានប្រសិទ្ធភាពការងាររបស់មន្ត្រីរាជការទូទាំងខេត្ត និងកាន់តែមានប្រសិទ្ធភាពការងារខ្ពស់ ក្នុងការបម្រើផលប្រយោជន៍ជូនប្រជាពលរដ្ឋនៅទូទាំងខេត្ត ខណៈក៏មានប្រារព្ធពិធីបុណ្យទន្លេលើកទី៦ផងដែរ ។
សម្តេចតេជោ ហ៊ុន សែន បានឆ្លៀតពេលដ៏មានតម្លៃអញ្ជើញជួបសំណេះសំណាល ជាមួយក្រុមប្រឹក្សា ឃុំសង្កាត់ មន្ត្រីរាជការ កងកម្លាំងប្រដាប់អាវុធ ខេត្តបាត់ដំបងចំនួន ២,៣០០នាក់ ។
ក្នុងនោះ មានសមាជិកក្រុមប្រឹក្សាខេត្ត សមាជិកក្រុមប្រឹក្សាក្រុង ស្រុកទាំង១៤ សមាជិកក្រុមប្រឹក្សាឃុំ-សង្កាត់ទាំង១០២ ព្រមទាំងនាយកសាលាបឋមសិក្សានៅទូទាំងខេត្តផងដែរ។
ចែករំលែកព័តមាននេះ