រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា យោងតាមសេចក្តីប្រកាសរបស់ក្រសួងសុខាភិបាល ស្ថានភាពរាតត្បាតនៃវីរុសកូវីដ១៩ របស់អង្គការសុខភាពពិភពលោកចុះ ថ្ងៃទី១២ ខែមិនានេះ បានបង្ហាញថា នៅលើពិភពលោកមានប្រទេសចំនួន…
រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា យោងតាមសេចក្តីប្រកាសរបស់ក្រសួងសុខាភិបាល ស្ថានភាពរាតត្បាតនៃវីរុសកូវីដ១៩ របស់អង្គការសុខភាពពិភពលោកចុះ ថ្ងៃទី១២ ខែមិនានេះ បានបង្ហាញថា នៅលើពិភពលោកមានប្រទេសចំនួន ១១៧ ដែលមានការរាតត្បាតវីរុសកូវីត១៩ ។
សេចក្តីប្រកាសបានឲ្យដឹងថា នាពេលថ្មីៗនេះ ព្រះរាជាណាចក្រកម្ពុជា បានរកឃើញជាបន្តបន្ទាន់នូវកូវីដ១៩ លើជនបរទេសមានសញ្ជាតិផ្សេងៗ ដែលតម្រូវឲ្យមានវិធានការការពារទប់ស្កាត់ជាបន្ទាន់នូវការចម្លងនាំចូលវីរុសកូវីដ១៩ មកក្នុងប្រទេសកម្ពុជា ។
ក្រសួងសុខាភិបាលសូមចាត់វិធានការ ដាក់បម្រាមផ្អាកមិនឲ្យជនបរទេសដែលមកពីប្រទេស អ៊ីតាលី អាល្លឺម៉ង់ អេស្ប៉ាញ បារាំង និងអាមេរិក ចូលមកក្នុងប្រទេសកម្ពុជាក្នុងរយៈពេល៣០ ថ្ងៃ ដោយត្រូវអនុវត្តចាប់ពីថ្ងៃទី១៧ ខែមិនានេះតទៅ ។
ក្រសួងសុខាភិបាលសូមប្រកាសជាសាធារណជន ក្រសួង ស្ថាប័ន និងអាជ្ញាធរពាក់ព័ន្ធ ព្រមទាំងជនបរទេសទាំងអស់ ចូលរួមអនុវត្តន៍សេចក្តីប្រកាសនេះ ជាកំហិត ៕ កែសម្រួលដោយ ៖ សុឃាក់
ចែករំលែកព័តមាននេះ