បរិយាកាសនយោបាយបច្ចុប្បន្នមិនអនុគ្រោះដល់ការផ្លាស់ប្តូរហើយការមិនធ្វើសកម្មភាពនឹងធ្វើឲ្យបញ្ហាកាន់តែអាក្រក់
ដូចដែលយើងឃើញថា សង្គមត្រូវការត្រៀមខ្លួនសម្រាប់បំលាស់ទីការងារ ដែលអ្នកសេដ្ឋកិច្ចជាច្រើនប៉ាន់ស្មានទុក។ តែមាននូវការពិភាក្សាតិចតួចកើតមាឡើងនៅកាពីតុល ហៀល (Capitol Hill)។
ហេតុផលធំមួយដែលអ្នកនយោបាយមួយចំនួនផ្តោតការយកចិត្តទុកដាក់លើការកើនឡើងនៃហានិភ័យនៃភាពស្វ័យប្រវត្តិគឺដោយសារតែមានការរិះគន់លើធម្មជាតិនៃនយោបាយសព្វថ្ងៃ។ ការធ្វើឲ្យគ្រប់បក្សនៅក្នុងសនិ្នបាតឯកភាពលើការផ្លាស់ប្តូរធំរហូតដល់កម្មវិធីមូលដ្ឋានដូចជាធានារ៉ាប់រងសម្រាប់អ្នកគ្មានការងារធ្វើរឺបង្កើតនូវជម្រើសការងារថ្មីវាមិនអាចទៅរួចទេ។
វាគួរឲ្យសំគាល់ថាអូបាម៉ាបានបង្ហាញពីការព្រួយបារម្ភមុននឹងគាត់ចេញពីតំណែង។ គាត់ថ្លែងសន្ទរកថាប្រាប់ទៅកាន់ជនជាតិអាមេរិកពីរបៀបដែលការផ្លាស់ប្តូរកំលាំងពលកម្មការងារធ្វើឲ្យយើងត្រូវគិតឡើងវិញលើគំនិតចាស់ៗដែលធ្វើការ៤០ម៉ោងក្នុងមួយសប្តាហ៍និងបាននូវប្រាក់ឈ្នួលទាប។ នៅក្នុងទស្សនៈរបស់គាត់ សហរដ្ឋអាមេរិកត្រូវការធ្វើសកម្មភាព ភ្លាមៗដើម្បីធ្វើឲ្យការផ្លាស់ប្តូរមិនសូវឃោរឃៅ។
នេះជាអ្វីដែលអ្នកនិពន្ធគិតដោយសារគាត់ឃើញនូវដំនើរការរបស់រដ្ឋបាលត្រាំ រឺព្រឹទ្ធសភាធ្វើការលើបញ្ហានេះតិចតួច។ សកម្មភាពរបស់ត្រាំ គាត់បន្ទោសលើកិច្ចសន្យា ជួញដូរដែលមិនល្អហើយបាត់បង់នូវការងារសហគ្រាសតែហានិភ័យនៃការដកចេញនូវបុគ្គលិកដែលវាលើសពីកត្តាទាំងនេះ។ គាត់គួរតែទទួលស្គាល់ថាការរីកចំរើននៃបច្ចេកវិទ្យាគឺផ្លាស់ប្តូរលើម៉ូដែលជំនួញនិងគំរាមកំហែងដល់ការងារនៅក្នុងគ្រប់វិស័យ។
ប្រសិនបើអាកប្បកិរិយាត្រាំសព្វថ្ងៃមិនផ្លាស់ប្តូរ ទេ ការប្រឆាំងទៅនឹងវ៉ល ស្ទ្រីត (Anti Wall street) និងការប្រឆាំងទៅនឹងសកលភាវូបនីយកម្មនឹងកាន់តែអាក្រក់ ហើយមានប្រផ្នូលមិនល្អក្នុងការផ្លាស់ប្តូរទៅកាន់សេដ្ឋកិច្ចថ្មីមួយ។ ការមិនធ្វើសកម្មភាព នឹងបង្កើនតែភាពតានតឹងនិងគ្មានសុវត្ថិភាពទៅដល់ជនជាតិអាមេរិក។
នៅក្នុងពេលពីមុន ត្រាំទទួលស្គាល់ថាអ្នកធ្វើការមានអារម្មណ៍ថាការងាររបស់ពួកគេ ក៏ដូចជាអត្តសញ្ញាណរបស់ពួកគេនៅមានហានិភ័យតែទោះបីជាគាត់ធ្វើនូវអ្វីដែល មានអត្ថន័យហើយរកនូវអ្វីដើម្បីបង្ហាញពីសេដ្ឋកិច្ចឌីជីថលថ្មី ក៏ស្ថានភាពនៃអ្នកធ្វើការនៅអាមេរិកនឹងកាន់តែអាក្រក់។
អ្នកស្រាវជ្រាវបានឃើញនូវទំនាក់ទំនងត្រង់ៗរវាងការអត់ការងារធ្វើនិងចំនួននៃការធ្វើអត្តឃាត ការប្រើថ្នាំលើសកំនត់និងការស្លាប់ដោយសារការផឹកស្រានៅក្នុងប្រទេស។ ការសិក្សាមួយធ្វើដោយសកលវិទ្យាល័យ ព្រីនតុន (Princeton University) បានសន្មតថា បញ្ហាកើតមានច្រើនក្នុងចំនោមមនុស្សដែលមានតែសញ្ញាប័ត្រ វិទ្យាល័យរឺទាបជាងនេះដែលជាក្រុមដែលងាយនឹងបាត់បង់ការងារដោយសារតែភាពស្វ័យប្រវត្តិ។ (នៅមានភាគបន្ត)
ចែករំលែកព័តមាននេះ