គួរយកលុយទៅធ្វើអ្វីខ្លះក្នុងពេលវីរុសកូវីដ-១៩ កំពុងរាតត្បាត ?
បន្ទាប់ពីអង្គការសុខភាពពិភលោក (World Heath Organization) ដែលហៅកាត់ថា WHO បានប្រកាសថាវីរុស កូវីដ-១៩ ជាជម្ងឺរាតត្បាតជុំវិញសកលលោកហើយ ទីផ្សារ…
បន្ទាប់ពីអង្គការសុខភាពពិភលោក (World Heath Organization) ដែលហៅកាត់ថា WHO បានប្រកាសថាវីរុស កូវីដ-១៩ ជាជម្ងឺរាតត្បាតជុំវិញសកលលោកហើយ ទីផ្សារ…
បន្ទាប់ពីអង្គការសុខភាពពិភលោក (World Heath Organization) ដែលហៅកាត់ថា WHO បានប្រកាសថាវីរុស កូវីដ-១៩ ជាជម្ងឺរាតត្បាតជុំវិញសកលលោកហើយ ទីផ្សារ និងសេដ្ឋកិច្ចជុំវិញពិភពលោកមើលឃើញភាពជ្រួលច្របល់ ព្រោះតែការចលាចលរបស់ប្រជាជន ។
អ្នកជំនាញ និងរដ្ឋាភិបាលបានព្យាយាមជំរុញឲ្យមានការប្រុងប្រយ័ត្ន ហើយប្រជាជនបានចាប់ផ្តើមប្រមូលទិញផលិតផលសំខាន់ៗដែលអនុញ្ញាតឲ្យពួកគេរស់នៅក្នុងផ្ទះបានរយៈពេលយូរជាដើម ខណៈដែលមានមនុស្សមួយចំនួនទៀតផ្អាកផែនការធ្វើដំណើរ ឬការចូលរួមកម្មវិធីផ្សេងៗជាដើម ។
សម្រាប់អ្នកដែលមានការព្រួយបារម្ភខ្លាំង អ្នកជំនាញផ្នែកហិរញ្ញវត្ថុបានប្រាប់មកថា កត្តាដំបូងដែលចាំបាច់បំផុតដែលអ្នកត្រូវធ្វើ គឺកុំទាន់ចលាចល ! បន្ទាប់មកងាកមកចាប់អារម្មណ៍នឹងចំណុចសំខាន់ៗខាងក្រោមនេះ៖
១. កុំទាន់ដកការវិនិយោគ
អ្នកជំនាញជាច្រើនប្រាប់មកថា អ្នកមិនគួរដកការវិនិយោគក្នុងកំឡុងពេលមានអស្ថេរភាព និងភាពមិនប្រាកដប្រជាទេ ។ ជាមួយគ្នានេះផងដែរ ខណៈដែលតម្លៃអ្វីមួយមានការធ្លាក់ចុះ វាក៏មិនមែនជាពេលល្អក្នុងការសម្រេចចិត្តទិញដែរ ។ ដំបូន្មានមួយទៀតដែលអ្នកជំនាញបានផ្តល់ជូនគឺការចៀសវាងប្រព័ន្ធសង្គម និងព័ត៌មានដទៃដែលជំរុញឲ្យមានការចលាចល ។
២. បង្កើនការសន្សំទុកគ្រាមានអាសន្ន
ក្នុងករណីដែលក្រុមហ៊ុន ឬស្ថាប័នការងាររបស់អ្នកផ្អាកមិនដំណើរការ ឬអ្នកមិនស្រួលខ្លួន និងត្រូវការពេលសម្រាកនៅផ្ទះ អ្នកអាចមានថវិកាគ្រប់គ្រាន់ដើម្បីផ្គត់ផ្គង់ការចាយវាយចាំបាច់ និងព្យាបាលជម្ងឺរបស់ខ្លួនបានប្រសិនបើអ្នកមានប្រាក់សន្សំទុកគ្រានមានអាសន្នច្រើន ។
៣. ជួយដល់អ្នកដទៃ
អ្នកគួររក្សាទំនាក់ទំនងជាមួយមនុស្សដែលជិតស្និទ្ធដូចជាក្រុមគ្រួសារ ឬមិត្តភក្តិជាដើម និងចេះជួយគ្នាក្នុងគ្រាមានអាសន្ន ។ ប្រសិនបើពួកគេមិនមានសមត្ថភាពគ្រប់គ្រាន់ក្នុងផ្នែកហិរញ្ញវត្ថុ អ្នកគួរតែផ្តល់ជាជំនួយតាមសមត្ថភាព ។ សម្រាប់អ្នកដែលពូកែភ័យ អ្នកត្រូវឧស្សាហ៍រំឭក និងដាស់តឿនដល់ពួកគេជានិច្ច និងរក្សាទំនាក់ទំនងជាប្រចាំដើម្បីជៀសវាងការចលាចលដែលប៉ះពាល់ដល់មនុស្សគ្រប់រូប ។
៤. ឧស្សាហ៍លាងដៃ
ក្នុងកំឡុងពេលដែលមានការរាតត្បាតនេះ វិធីសាស្ត្រដែលងាយជាងគេសម្រាប់ការពារខ្លួន គឺការរក្សាអនាម័យ និងលាងដៃជាប្រចាំ ។ ខណៈដែលអាជ្ញាធរ និងរដ្ឋាភិបាលកំពុងតែព្យាយាមរក្សាតម្លៃទឹកលាងដៃ និងម៉ាស់មិនឲ្យឡើងថ្លៃ អ្នកអាចទិញស្តុកទំនិញទាំងនេះ ព្រោះវាជាអ្វីដែលចាំបាច់សម្រាប់ការការពារខ្លួនទោះជាមិនបាន ១០០% ក៏ដោយ ៕ កែសម្រួលដោយ ៖ សុឃាក់
ចែករំលែកព័តមាននេះ