ថៃចាប់រឹតបន្តឹងលើទិដ្ឋាការ ដោយសារតែកូវីដ១៩
ថៃ៖ តាមប្រភពព័ត៌មាន Bangkok Post បានឱ្យដឹងថា រដ្ឋមន្ត្រីក្រសួងមហាផ្ទៃ Anupong Paojinda បាននិយាយថា ប្រទេសថៃកាលពីថ្ងៃពុធបានលុបចោលការផ្តល់ទិដ្ឋាការនៅពេលមកដល់…
ថៃ៖ តាមប្រភពព័ត៌មាន Bangkok Post បានឱ្យដឹងថា រដ្ឋមន្ត្រីក្រសួងមហាផ្ទៃ Anupong Paojinda បាននិយាយថា ប្រទេសថៃកាលពីថ្ងៃពុធបានលុបចោលការផ្តល់ទិដ្ឋាការនៅពេលមកដល់…
ថៃ៖ តាមប្រភពព័ត៌មាន Bangkok Post បានឱ្យដឹងថា រដ្ឋមន្ត្រីក្រសួងមហាផ្ទៃ Anupong Paojinda បាននិយាយថា ប្រទេសថៃកាលពីថ្ងៃពុធបានលុបចោលការផ្តល់ទិដ្ឋាការនៅពេលមកដល់ សម្រាប់ប្រទេសចំនួន១៨ និងលុបការលើកលែងទិដ្ឋាការ សម្រាប់ប្រទេសចំនួន៣ផ្សេងទៀតដើម្បីទប់ស្កាត់ការឆ្លងវីរុសកូវីដ១៩នេះ។
កាលពីមុន ពលរដ្ឋនៃ១៨ប្រទេស អាចប្រើលិខិតឆ្លងដែនឬឯកសារធ្វើដំណើររបស់ពួកគេ ដើម្បីដាក់ពាក្យសុំទិដ្ឋការនៅតាមច្រកព្រំដែនអន្តោប្រវេសន៍ថៃ។ តែពេលនេះគឺមិនអាចនោះទេ។ កន្លែងទាំង១៨នោះរួមមាន ប៊ុលហ្គារី ប៊ូតាន ចិន(រួមទាំងតៃវ៉ាន់) ស៊ីព័រ អេត្យូពី ហ្វីជី ហ្សកហ្ស៊ី ឥណ្ឌា កាហ្សាក់ស្ថាន ម៉ាល់តា ម៉ិកស៊ិក ណារ៊ូ ប៉ាពួញូហ្គីណេ រូម៉ានី រុស្ស៊ី អារ៉ាប់ប៊ីសាអូឌីត អ៊ូសបេគីស្ថាន និង វ៉ានូអាទូ។
រដ្ឋមន្ត្រីក្រសួងមហាផ្ទៃបាននិយាយថា ការលើកលែងទិដ្ឋាការនឹងត្រូវលុបចោល សម្រាប់ប្រទេសកូរ៉េខាងត្បូង អ៊ីតាលី និងហុងកុង។ ឧត្តមសេនីយ៍ Anupong បានមានប្រសាសន៍ថា រាល់ការមកដល់របស់ប្រទេសទាំងនោះ ត្រូវតែដាក់ពាក្យសុំទិដ្ឋាការនៅស្ថានទូតថៃឬស្ថានកុងស៊ុល និងធ្វើដំណើរដោយមានលិខិតបញ្ជាក់វេជ្ជសាស្ត្រ ដើម្បីបញ្ជាក់ថាពួកគេមិនបានឆ្លងវីរុសនេះទេ ៕
ចែករំលែកព័តមាននេះ