ខេត្តបាត់ដំបង ៖ នាព្រឹកថ្ងៃទី១៣ មីនានេះ ដែលជាថ្ងៃដំបូងនៃពិធីបុណ្យទន្លេ គណៈប្រតិភូក្រសួងទេសចរណ៍ និងរដ្ឋបាលខេត្តបាត់ដំបង បានធ្វើដំណើរទស្សនកិច្ ដោយជិះឡូរីកម្សាន្ត នៅជើងភ្នំបាណន់ រួមជាមួយក្រុមកីឡាករជិះកង់ និងភ្ញៀវទេសចក្នុងស្រុកប្រហែល៣០០នាក់ ។
ពិធីបុណ្យទន្លេលើកទី៦ នៅខេត្តបាត់ដំបង បាន និងកំពុងប្រព្រឹត្តទៅយ៉ាងអធិកអធម ហើយ បើតាមការអំពាវនាវរបស់ឯកឧត្ដមរដ្ឋមន្ត្រី ថោង ខុន គឺសូមឲ្យរមណីយដ្ឋានទេសចរណ៍ទាំងឡាយ ត្រូវត្រៀមខ្លួនទទួលភ្ញៀវទេសចរ ដែលនឹងបន្តទៅលេងនៅទីកន្លែងទេសចរណ៍នានាទាំងនោះ នាឱកាសមកទស្សនាបុណ្យទន្លេនេះ ។
ជាមួយគ្នានេះដែរ ក្រសួងទេសចរណ៍សូមណែនាំនូវទីទេសចរណ៍ដ៏ស័ក្តិសម មួយសម្រាប់ដំណើរកម្សាន្តនាឱកាសនេះ នោះ គឺឡូរីជើងភ្នំបាណន់ ដែលស្ថិតនៅភូមិកន្ទឺ២ ឃុំបាណន់ ស្រុកបាណន់ ខេត្តបាត់ដំបង ។
នៅទីនោះមានផលិតផលទេសចរណ៍យ៉ាងច្រើនសម្បូរបែបនិយាយរួមឲ្យតែបានទៅលេងនៅកន្លែងនោះ ដឹងតែសប្បាយរីករាយ ៕
ចែករំលែកព័តមាននេះ