ខេត្តសៀមរាប៖ អាជ្ញាធរជាតិអប្សរាកំពុងមមាញឹករៀបចំកែលម្អប្រព័ន្ធរំដោះទឹកភ្លៀង ទេសភាពបៃតង សណ្ដាប់ធ្នាប់សាធារណៈមុខបរិវេណប្រាសាទអង្គរវត្តដែលកិច្ចការទាំងនេះផ្តោតទៅលើការបញ្ចៀសការដក់ទឹកក្នុងរដូវវស្សា ការពង្រីកវាលស្មៅបៃតង ការដាំកូនឈើប្រណីត ការរៀបចំអ្នកលក់ដូរចល័ត ការរៀបចំឲ្យចូលទៅចតក្នុងទីតាំងចំណត និងបញ្ឈប់ការចត ឬឈប់រថយន្ត…
ខេត្តសៀមរាប៖ អាជ្ញាធរជាតិអប្សរាកំពុងមមាញឹករៀបចំកែលម្អប្រព័ន្ធរំដោះទឹកភ្លៀង ទេសភាពបៃតង សណ្ដាប់ធ្នាប់សាធារណៈមុខបរិវេណប្រាសាទអង្គរវត្តដែលកិច្ចការទាំងនេះផ្តោតទៅលើការបញ្ចៀសការដក់ទឹកក្នុងរដូវវស្សា ការពង្រីកវាលស្មៅបៃតង ការដាំកូនឈើប្រណីត ការរៀបចំអ្នកលក់ដូរចល័ត ការរៀបចំឲ្យចូលទៅចតក្នុងទីតាំងចំណត និងបញ្ឈប់ការចត ឬឈប់រថយន្ត ឬរ៉ឺម៉កកង់បីក្រៅទីតាំងចំណត ។
ផេកហ្វេសប៊ុកអាជ្ញាធរជាតិអប្សរាផ្សាយថាកិច្ចការនោះត្រូវបានអនុវត្តចាប់ពីចុងខែកុម្ភៈ មក ជាដំណាក់កាលៗ និងគ្រោងបញ្ចប់ជាស្ថាពរមុនដំណាច់ឆ្នាំ២០២០ ។ ទន្ទឹមនឹងនេះ អាជ្ញាធរជាតិអប្សរាបានថ្លែងអំណរគុណដល់អាជីវករ អ្នកបើកបររថយន្ត រ៉ឺម៉កកង់បី មគ្គុទ្ទេសក៍ទេសចរណ៍ ភ្ញៀវទេសចរ រួមនិងសាធារណជនទាំងអស់ ដែលសហការចូលរួមក្នុងកិច្ចការរៀបចំសណ្ដាប់ធ្នាប់នេះ ដើម្បីធ្វើយ៉ាងណាឱ្យតំបន់រមណីយដ្ឋានអង្គរមានរបៀបរៀបរយ សក្ដិសមជាគោលដៅទេសចរណ៍សម្រាប់ពិភពលោក ។
ចំណែកដំណើរទេសចរណ៍របស់អ្នកទេសចរនៅតែមានក្នុងរមណីយដ្ឋានអង្គរ ថ្វីបើកំពុងស្ថិតក្នុងអំឡុងពេលមានបញ្ហាប្រឈម ខ្លះៗពីជំងឺកូវីដ១៩ក្ដី ។ ប្រភពដដែលបញ្ជាក់ថា «យើងឃើញថា ភ្ញៀវទេសចរទាំងនោះហាក់មានការយល់ដឹង ការថែទាំសុខភាព និងមិនមានការភ័យខ្លាចក្នុងដំណើរកម្សាន្តដ៏អស្ចារ្យមកកាន់តំបន់រមណីយដ្ឋានអង្គរ ក៏ដូចជាខេត្តសៀមរាបឡើយ »៕ (កែសម្រួលដោយ ៖ បុប្ផា)
ចែករំលែកព័តមាននេះ