ប្រតិកម្មសំខាន់ៗជុំវិញពិភពលោកបានកើតឡើង ខណៈដែលអង្គការសុខភាពពិភពលោកបានប្រកាសថាជំងឺកូវីដ១៩ ឈានដល់ដំណាក់កាលរាតត្បាតសកល ។ ប្រធានាធិបតីអាមេរិកលោកត្រាំ បានប្រកាសមិនអោយពលរដ្ឋអឺរ៉ុបចូលអាមេរិក ក្នុងរយៈពេល៣០ថ្ងៃ ដោយសារតែនៅអឺរ៉ុបកំពុងតែមានការឆ្លងខ្លាំង ។ ចំណែកលោកប្រធានាធិបតី…
ប្រតិកម្មសំខាន់ៗជុំវិញពិភពលោកបានកើតឡើង ខណៈដែលអង្គការសុខភាពពិភពលោកបានប្រកាសថាជំងឺកូវីដ១៩ ឈានដល់ដំណាក់កាលរាតត្បាតសកល ។ ប្រធានាធិបតីអាមេរិកលោកត្រាំ បានប្រកាសមិនអោយពលរដ្ឋអឺរ៉ុបចូលអាមេរិក ក្នុងរយៈពេល៣០ថ្ងៃ ដោយសារតែនៅអឺរ៉ុបកំពុងតែមានការឆ្លងខ្លាំង ។
ចំណែកលោកប្រធានាធិបតី ឌូតែតេ នៃប្រទេសហ្វីលីពីន បានធ្វើតេស្តរកមេរោគកូវីដ ១៩ ។ អាល្លឺម៉ង់ឯណោះវិញលោកស្រី អែនជេឡា ម៉ាកែល ប្រកាសថា ប្រជាជនអាល្លឺម៉ង់រហូតដល់៧០ភាគរយ អាចឆ្លងមេរោគកូវីដ១៩ ។ ចំណែកប្រទេសឥណ្ឌាវិញបានប្រកាសលុបចោលទិដ្ឋាការស្ទើរទាំងអស់ សម្រាប់បរទេសហើយបិទព្រំដែនជាមួយប្រទេសភូមា ដោយបារម្ភពីការរាលដាលនៃមេរោគនាំអោយហួសសមត្ថភាព គ្រប់គ្រងរបស់ វិស័យសុខាភិបាលរបស់ខ្លួន ។
ប្រទេសដាណឺម៉ា បានបិទសាលា និងសកលវិទ្យាល័យទាំងអស់ នៅពេលដែលមេរោគកូវីដបានកើនឡើង មួយជាដប់ដងឡើងដល់៥១៤ករណី តែក្នុងរយៈពេលមួយថ្ងៃ ។ ប្រទេសអ៊ីតាលីឯណោះវិញបានបញ្ជាអោយបិទហាងទាំងអស់ដោយលើកលែងតែហាងលក់ម្ហូបអាហារ និងឪសថស្ថាន បន្ទាប់ពីចំនួនអ្នកបាត់បង់ជីវិតឡើងពី១៩៦នាក់ ដល់៨២៧នាក់ តែក្នុងរយៈពេល២៤ម៉ោង ។
ចំណែកអង្គការសុខភាពពិភពលោក និងអង្គកាករសហប្រជាជាតិវិញបានអំវាវនាវដល់រដ្ឋាភិបាលជុំវិញពិភពលោកបង្កើនកិច្ចប្រឹងប្រែងនៅក្នុងការប្រយុទ្ធប្រឆាំងជាមូយមេរោគនេះ ៕
ចែករំលែកព័តមាននេះ