អង្គការសុខភាពពិភពលោក ៖ អង្គការសុខភាពពិភពលោកWHO កាលពីថ្ងៃទី១២មីនាបានចាត់ទុកការឆ្លងរាលដាលនៃវីរុសCOVID-19 ដែលពេលនេះឆ្លងដល់មនុស្សជាង១១០.០០០នាក់លើពិភពលោក ចាប់តាំងពីដំណាច់ខែធ្នូមកថា ជាការឆ្លងពាសពេញទ្វីបលោក តែអះអាងថាវីរុសនោះអាចរំងាប់បានវិញ។ យោងតាមWHOថា រយៈពេល២សប្ដាហ៍ចុងក្រោយនេះ…
អង្គការសុខភាពពិភពលោក ៖ អង្គការសុខភាពពិភពលោកWHO កាលពីថ្ងៃទី១២មីនាបានចាត់ទុកការឆ្លងរាលដាលនៃវីរុសCOVID-19 ដែលពេលនេះឆ្លងដល់មនុស្សជាង១១០.០០០នាក់លើពិភពលោក ចាប់តាំងពីដំណាច់ខែធ្នូមកថា ជាការឆ្លងពាសពេញទ្វីបលោក តែអះអាងថាវីរុសនោះអាចរំងាប់បានវិញ។
យោងតាមWHOថា រយៈពេល២សប្ដាហ៍ចុងក្រោយនេះ ចំនួនអ្នកឆ្លងនៅក្រៅប្រទេសចិនមានការកើនឡើងគុណនឹង១៣ ហើយចំនួនប្រទេសដែលរងការប៉ះពាល់បានកើន៣ដង។
អគ្គនាយកWHOលោកTEDROS ADHANOM GHEBREYESUS ក្នុងសន្និសីទសារព័ត៌មានមួយនាទីក្រុងហ្ស៊ឺណែវថ្លែងថា យើងមានការព្រួយបារម្ភដ៏ជ្រាលជ្រៅ ទាំងចំពោះកម្រិតអាសន្ននៃការឆ្លងនិងភាពធ្ងន់ធ្ងរ ទាំងកម្រិតអាសន្ននៃការមិនសូវមានប្រតិកម្មពួតដៃគ្នាតបឲ្យក្ដៅគគុកលើពិភពលោក។ ដូច្នេះយើងយល់ថា វីរុស COVID-19 អាចចាត់ទុកជាការឆ្លងនៅទូទាំងទ្វីបលោក។ យើងពុំដែលឃើញការឆ្លងណាមួយដែលសាហាវលឿនដូចវីរុសនេះឡើយ។
លោកអះអាងទៀតថាហៅសភាពការណ៍ថា ជាការឆ្លងទូទាំងទ្វីបលោក ព្រោះការគំរាមកំហែងនៃវីរុសនោះពុំមានការផ្លាស់ប្ដូរ។ បែបនេះនាំឲ្យWHOមិនមានការផ្លាស់ប្ដូរចំពោះអ្វីដែលខ្លួនបានធ្វើ ហើយក៏មិនផ្លាស់ប្ដូរចំពោះអ្វីដែលបណ្ដាប្រទេសត្រូវតែធ្វើដែរ។
ប្រមុខWHOវាយតម្លៃថា ក្នុងបណ្ដាថ្ងៃនិងសប្ដាហ៍ខាងមុខ ចំនួនអ្នកឆ្លងនិងអ្នកបាត់បង់ជីវិត ព្រមទាំងប្រទេសដែលរងប៉ះពាល់នឹងកាន់តែកើនឡើង។ តែជាថ្មីម្ដងទៀតលោកបានអំពាវនាវ ដល់បណ្ដាប្រទេសឲ្យបញ្ចេញប្រតិកម្ម ដើម្បីទប់ការឆ្លងដែលបណ្ដាលឲ្យមនុស្សស្លាប់ ជាង៤.០០០នាក់ហើយលើពិភពលោក។
យើងត្រូវតែប្រកាន់យកភាពហានក្លាកាន់តែខ្លាំង។ ប្រទេសជាច្រើនហាក់សម្ដែងថាវីរុសអាចលុបបំបាត់ឬយកឈ្នះបាន។ ដូចនាប៉ុន្មានថ្ងៃចុងក្រោយនេះWHOបន្តអំពាវនាវដល់សហគមន៍អន្តរជាតិឲ្យពួតដៃគ្នា ទប់ការឆ្លងជាជាងគ្រាន់តែខំប្រឹងកាត់បន្ថយផលប៉ះពាល់។ លោកបានរិះគន់បណ្ដាប្រទេសដែលលើកពីលក្ខខណ្ឌច្រើនហួសហេតុពេក ដូចជាមានតែមនុស្សចាស់ឬមនុស្សត្រឡប់មកពីចិនដើម្បីធ្វើតេស្ត៕ ដកស្រង់ចេញពីវេបសាយ ៖ yahoo (កែសម្រួលដោយ ៖ បុប្ផា)
ចែករំលែកព័តមាននេះ