(អង្គការសុខភាពពិភពលោក) ហៅកាត់ថា WHO បានប្រកាសជាផ្លូវការ ដោយចាត់ទុកជំងឺកូវីដ១៩ ថាជា«ជំងឺរាតត្បាតជាសាកល» (Pandemic) ដូចគ្នានឹងជំងឺអេដស៍ដែរ ដែលគិតត្រឹមថ្ងៃទី១២ មីនា…
(អង្គការសុខភាពពិភពលោក) ហៅកាត់ថា WHO បានប្រកាសជាផ្លូវការ ដោយចាត់ទុកជំងឺកូវីដ១៩ ថាជា«ជំងឺរាតត្បាតជាសាកល» (Pandemic) ដូចគ្នានឹងជំងឺអេដស៍ដែរ ដែលគិតត្រឹមថ្ងៃទី១២ មីនា នេះ។ ការឆ្លងសរុបមានជាង១២៦.០០០នាក់នៅប្រទេស ជាង១២០លើពិភពលោក ក្នុងនោះឈឺធ្ងន់ធ្ងរ៖ ជិត៦.០០០នាក់ និងបាត់បង់ជីវិតមាន៤.៦២៧នាក់។
ជាមួយគ្នានោះផងដែរ ប្រទេសអុីតាលីប្រកាសបិទគ្រប់សកម្មភាពពាណិជ្ជកម្ម ការិយាល័យការងារ ភោជនីយដ្ឋាន និងហាងទំនិញនានា លើកលែងតែឱសថស្ថាន មធ្យោបាយធ្វើដំណើរ ហាងលក់គ្រឿងទេស ប៉ុណ្ណោះ ក្រោយពីមានអ្នកឆ្លងថ្មី២.៣១៣នាក់ តែក្នុងមួយថ្ងៃ ដែលធ្វើឱ្យអ្នកឆ្លងសរុបឡើងដល់១២.៤៦២ និងបាត់បង់ជីវិត៨២៧នាក់ ។
ចំណែកចិនក៏បានបញ្ជូនក្រុមអ្នកជំនាញសុខាភិបាល និងសម្ភារទៅជួយអ៊ីតាលីតាមការអំពាវនាវរបស់រដ្ឋមន្ត្រីការបរទេស ។ ខណៈវ៉ាស៊ីនតោនរបស់សហរដ្ឋអាមេរិក ប្រកាសស្ថានភាពគ្រាអាសន្នដោយលុបចោលកម្មវិធីប្រគំតន្ត្រី ការជួបជុំសូត្រធម៌ និងការដើរក្បួននានា ។
អ្នកឆ្លងសរុបទូទាំងសហរដ្ឋអាមេរិក៖ជាង១.៣០០នាក់ និងបាត់បង់ជីវិតមនុស្ស៣៨នាក់ (ស្លាប់ថ្មី៨នាក់) ហើយអាមេរិកក៏បានហាមឃាត់ការធ្វើដំណើរ និងទំនិញពីអឺរ៉ុបចូលសហរដ្ឋអាមេរិករយៈពេល៣០ថ្ងៃ លើកលែងចក្រភពអង់គ្លេស ៕
ចែករំលែកព័តមាននេះ