រាជធានីភ្នំពេញ ៖ ក្រសួងសុខាភិបាលបានបញ្ជាក់ថា នៅត្រឹមយប់ថ្ងៃទី១២ ខែមីនានេះ បានប្រកាសរកឃើញជនជាតិអង់គ្លេសប្តីប្រពន្ធបានឆ្លងជំងឺកូវីដ១៩ ជិះតាមនាវា ហើយកំពុងចតនៅកំពង់ចាម ។ យោងតាមសេចក្តីប្រកាសព័ត៌មាន…
រាជធានីភ្នំពេញ ៖ ក្រសួងសុខាភិបាលបានបញ្ជាក់ថា នៅត្រឹមយប់ថ្ងៃទី១២ ខែមីនានេះ បានប្រកាសរកឃើញជនជាតិអង់គ្លេសប្តីប្រពន្ធបានឆ្លងជំងឺកូវីដ១៩ ជិះតាមនាវា ហើយកំពុងចតនៅកំពង់ចាម ។
យោងតាមសេចក្តីប្រកាសព័ត៌មាន របស់ក្រសួងសុខាភិបាលចេញផ្សាយ នៅថ្ងៃទី១២ ខែមីនានេះ ស្តីពីករណីវិជ្ជមានកូវីដ១៩ លើបុរសជនជាតិអង់គ្លេសមានអាយុ៧៣ឆ្នាំ និងស្ត្រីជនជាតិអង់គ្លេសអាយុ៦៣ ឆ្នាំ ជាអ្នកដំណើរ តាមនាវាវីគីងគ្រូសជ្យូណី (Viking CruiseJouney) នៅខេត្តកំពងចាម ។
ក្រសួងបានលើកឡើងថា ក្នុងចំណោមអ្នកដំណើរសេសសល់តាមនាវាខាងលើ បានយកសំណាកសរុបចំនួន៥៩នាក់ នៅខែទី១១ ខែមីនានេះ លទ្ធផលពីវិទ្យាស្ថានប៉ាស្ទ័ កម្ពុជានៅវេលាយប់ម៉ោង២១យប់វិទ្យាស្ថានប៉ាស្ទ័រ កម្ពុជាបានបង្ហាញថា បុរសជនជាតិអង់គ្លេសអាយុ៧៣ឆ្នាំ (ជាស្វាមី) និងស្ត្រីជនជាតិអង់គ្លេសអាយុ៦៩ឆ្នាំ (ជាភរិយា) វិជ្ជមាន វីរុសកូវីដ១៩ ។
ក្រសួងបញ្ជាក់ថា ៖«សរុបអ្នកដំណើរជាជនជាតិអង់គ្លេសវិជ្ជមានកូវីដ១៩ គឺចំនួន៣នាក់ ក្នុងចំណោមអ្នកដំណើរ និងអ្នកបំរើការនៅលើនាវាទាំងអស់៦៤នាក់ ។ បច្ចុប្បន្នមន្ទីសុខាភិបាលខេត្តកំពង់ចាម បានចាត់ចែងយកបុរស និងស្ត្រីជនជាតិអង់គ្លេសដែលវិជ្ជមានវីរុសកូវីដ១៩ទាំងពីនេះមកដាក់នៅបន្ទប់ដាច់ដោយឡែកក្នុងមន្ទីពេទ្យ ដើម្បីព្យាបាល និងតាមដានសុខភាពគាត់ ។ អ្នកដំណើរផ្សេងទៀតចំនួន៦១នាក់ ដែលមានលទ្ធផលតេស្តអវិជ្ជមាន ត្រូវយកមកដាក់ដោយឡែកនៅទីកន្លែងសមរម្យនៅលើគោក ដើម្បីតាមដានសុខភាព ។
ក្រសួងបញ្ជាក់ថា ៖«បុរស និងស្ត្រីជនជាតិអង់គ្លេសដែលមានវិជ្ជមានវីរុស១៩ ដែលជាស្វាមី និងភរិយា ខាងលើនេះជាអ្នកដំណើរតាមនាវាឈ្មោះ Viking Cruise Journey ដែលនាវានេះត្រូវបានដាក់ឲ្យនៅចត្តាឡឺស័កនៅទីសំចតទន្លេរនៃរីរួមខេត្តកំពង់ចាម តាំងពីថ្ងៃទី១០ ខែមីនា ឆ្នាំ២០២០ ក្នុងរយៈពេល១៤ថ្ងៃ» ។
ដើម្បីតាមដានរកជំងឺនេះ ក្រសួងសុខាភិបាលបានអះអាងថា ក្រុមការងារក្រសួងសុខាភិបាល វិទ្យាស្ថានជាតិស្រាវជ្រាវសុខភាពសាធារណៈ និងមន្ទីសុខាភិបាលខេត្តកំពង់ចាម រួមសហការយ៉ាងជិតស្និតជាមួយអាជ្ញាធរខេត្តអង្គការសុខាភិបាលពិភពលោក មជ្ឈមណ្ឌលប្រយុទ្ធនឹងជំងឺឆ្លងសហរដ្ឋអាមេរិកវិទ្យាស្ថានប៉ាស្ទ័រកម្ពុជា និងភាគីពាក់ព័ន្ធកំពុងតែយកចិត្តទុកដាក់ក្នុងការអនុវត្តកិច្ចការងារនេះបន្តទៀត ហើយក្រសួងនឹងបន្តជម្រាប ជូនសាធារណៈជននូវបច្ចុប្បន្នភាពហេតុការណ៍ថ្មីៗ បន្ថែមទៀត ប្រសិនបើមានករណីនេះ ៕
ចែករំលែកព័តមាននេះ