ថ្ងៃ ៨មីនា អ្នកស្រី ទ្រី ដាណា ជប់លៀងឱ្យតំណាងចែកចាយឆ្នើម ១០០០នាក់
- ភ្នំពេញ
រាជធានីភ្នំពេញ ៖ កាលពីថ្ងៃទី៨ ខែមីនា ឆ្នាំ២០២០ កន្លងមកនេះ ក្រុមហ៊ុន ដាណាទ្រី ខេមបូឌា ត្រេនឌីង…
រាជធានីភ្នំពេញ ៖ កាលពីថ្ងៃទី៨ ខែមីនា ឆ្នាំ២០២០ កន្លងមកនេះ ក្រុមហ៊ុន ដាណាទ្រី ខេមបូឌា ត្រេនឌីង ខូអិលធីឌី បានរៀបចំកម្មវិធីជប់លៀងធំមួយជូនដល់តំណាងចែកចាយឆ្នើមប្រមាណ ១០០០នាក់ មកពី ២៥ខេត្ត-រាជធានី ក្នុងគោលបំណងចែករំលែកបទពិសោធន៍ និងលើកទឹកចិត្តឱ្យខិតខំប្រឹងបន្ត ដើម្បីសម្រេចជោគជ័យកាន់តែខ្លាំង ។
អ្នកស្រី ទ្រី ដាណា បានបញ្ជាក់ថា ព្រឹត្តិការណ៍នេះ ក៏ជាឱកាសដ៏ល្អមួយក្នុងការផ្លាស់ប្ដូរគំនិតថ្មី ពិភាក្សាចែករំលែកបទពិសោធន៍ជោគជ័យក្នុងអាជីវកម្មជាមួយផលិតផល NNP ដែលកំពុងវាយលុកខ្លាំងលើគ្រប់ទីផ្សារទូទាំងប្រទេសកម្ពុជា ។ អ្វីដែលគួរកត់សម្គាល់ គឺអ្នកតំណាងចែកចាយផលិតផលទាំងអស់នេះ សុទ្ធតែទទួលបានសមិទ្ធផលពិតៗ ដោយអ្នកខ្លះមានលទ្ធភាពទិញផ្ទះ ទិញឡាន និងសងបំណុលគេរួចបន្តបន្ទាប់ ។
ក្នុងឱកាសទិវានារីអន្តរជាតិ ៨មីនា អ្នកស្រី ទ្រី ដាណា បានផ្ដាំផ្ញើដល់ស្ត្រីទាំងអស់ ឱ្យចេះចាប់ផ្ដើម និងហ៊ានប្រកបអាជីវកម្មដោយខ្លួនឯង កុំពឹងផ្អែកលើចំណូលប្ដី ។ ត្រូវធ្វើជានារីរឹងមាំ ហើយចាប់ផ្ដើមផ្លាស់ប្ដូរក្ដីស្រមៃ ទៅជាសកម្មភាព ដើម្បីភាពជោគជ័យទៅថ្ងៃមុខ ។
គួរបញ្ជាក់ថា ក្រុមហ៊ុន ដាណា ទ្រី ខេមបូឌា ត្រេនឌីង ខូអិលធីឌី បានសម្ពោធជាផ្លូវការកាលពីថ្ងៃទី១៣ ខែឧសភា ឆ្នាំ ២០១៨ ។ ក្រោយសម្ពោធជិត ២ឆ្នាំមកនេះ ក្រុមហ៊ុនកាន់តែមានសន្ទុះខ្លាំង និងមានអ្នកចូលជាតំណាងចែកចាយបន្តបន្ទាប់ប្រមាណ ៧ម៉ឺននាក់ទូទាំងប្រទេស៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ