ប្រធានាធិបតីហ្វីលីពីន ត្រូវឆ្លងកាត់ការធ្វើតេស្តរកវីរុសCovid-19
យោងតាមសម្តីរបស់សមាជិកព្រឹទ្ធសភាលោក Bong Go បានថ្លែងនៅថ្ងៃទី១២ មីនា នេះថា ប្រធានា ធិបតីហ្វីលីពីន លោក Rodrigo…
យោងតាមសម្តីរបស់សមាជិកព្រឹទ្ធសភាលោក Bong Go បានថ្លែងនៅថ្ងៃទី១២ មីនា នេះថា ប្រធានា ធិបតីហ្វីលីពីន លោក Rodrigo…
យោងតាមសម្តីរបស់សមាជិកព្រឹទ្ធសភាលោក Bong Go បានថ្លែងនៅថ្ងៃទី១២ មីនា នេះថា ប្រធានា ធិបតីហ្វីលីពីន លោក Rodrigo Duterte នឹងធ្វើតេស្តរកជំងឺរលាកផ្លូវដង្ហើម ដោយសារវីរុស Covid-19 ។
លោក Bong Go បាននិយាយថា លោកនិងលោក Duterte នឹងឆ្លងកាត់ការធ្វើតេស្តរកវីរុស Covid-19 បន្ទាប់ពីសមាជិកគណៈរដ្ឋមន្ត្រី និងសមាជិកព្រឹទ្ធសភាមួយចំនួន បានបន្តធ្វើបែបនេះដោយខ្លួនឯង។
«យើងមិនធ្វើបែបនេះទេ ប្រសិនបើយើងមានរោគសញ្ញានៃ Covid-19 ។ យើងកំពុងធ្វើនេះ ដើម្បីធានាថា យើងមានសុខភាពល្អ ដើម្បីចូលរួមជាសាធារណៈ និងបំពេញភារកិច្ចរបស់យើងនៅប៉ុន្មានថ្ងៃទៀត និងសប្តាហ៍ខាងមុខនេះ។ ដូចរាល់ដងលោកប្រធានាធិបតី និងខ្ញុំនៅតែត្រៀមខ្លួនដើម្បីបម្រើ និងស្លាប់រស់សម្រាប់ប្រជាជនហ្វីលីពីន» សម្តីលោក Bong Go ។
សមាជិកព្រឹទ្ធសភាលោក Sherwin Gatchalian និងលោកស្រី Nancy Binay បានប្រកាសនៅយប់ថ្ងៃពុធម្សិលមិញថា ពួកគេនឹងនៅដាច់ដោយឡែកពីគេដោយខ្លួនឯង បន្ទាប់ពីបានរកឃើញថាបុគ្គលម្នាក់នៅក្នុងកិច្ចប្រជុំកាលពីថ្ងៃទី៥ ខែមីនារបស់គណៈកម្មាធិការព្រឹទ្ធសភា ស្តីពីការអប់រំមូលដ្ឋានអំពីសិល្បៈ និងវប្បធម៌ បានធ្វើតេស្តមានសញ្ញាវិជ្ជមាន។
ជាមួយគ្នានេះ រដ្ឋមន្ត្រីក្រសួងហិរញ្ញវត្ថុលោក Carlos Dominguez III និងលេខាធិការដឹកជញ្ជូនលោក Arthur Tugade ក៏បានសំរេចចិត្តនៅដាច់ដោយឡែកពីគេដោយខ្លួនឯង បន្ទាប់ពីពួកគេបានប្រាស្រ័យទាក់ទងជាមួយមនុស្សដែលបានឆ្លងវីរុសនេះ។ ដកស្រង់ចេញពី៖ CNN
ចែករំលែកព័តមាននេះ