រាជធានីភ្នំពេញ ៖ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានបញ្ជាក់ថា បើអ្នកផ្កាយ៣ ឬ៤និយាយថា ប៉ូលិសចរាចរណ៍ស័ក្តិតូចជាងខ្លួនមិនអាចចាប់ខ្លួនបានទេ…
រាជធានីភ្នំពេញ ៖ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានបញ្ជាក់ថា បើអ្នកផ្កាយ៣ ឬ៤និយាយថា ប៉ូលិសចរាចរណ៍ស័ក្តិតូចជាងខ្លួនមិនអាចចាប់ខ្លួនបានទេ មានអ្នកនឹងជាមនុស្សភ្លីភ្លើ ជាពលរដ្ឋធម្មតា ។ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃបានថ្លែងក្នុងពិធីបិទសន្និបាតបូកសរុបលទ្ធផលការងារប្រចាំឆ្នាំ២០១៩ និងលើកទិសដៅការងារឆ្នាំ២០២០ របស់រដ្ឋបាលខេត្តព្រៃវែងនាព្រឹកថ្ងៃទី១២ ខែមីនានេះ ។
សម្តេច ស ខេង បានលើកឡើងថា រឿងច្បាប់ចរាចរណ៍ប៉ូលិសបានខ្លាចប្រជាជនណាស់ ប៉ុន្តែបើប៉ូលិសត្រឹមត្រូវវិជ្ជាជីវៈតែម្តងគាត់មិនខ្លាចនោះទេព្រោះគាត់ធ្វើតាមច្បាប់ ។ សម្តេចបញ្ជាក់ថា ៖«ថ្ងៃមុនខ្ញុំបាននិយាយថា អុ្នកផ្កាយ៣ ម៉េចឲ្យត្រឹមពោលបាលត្រី ឬពោលបាលទោ ទៅឆែកឆេរម៉េចត្រឹមត្រូវ ? អ្នកខ្លះនៅយល់អីចឹងទៀត រហូតមកដល់ម៉ោងនឹងហើយ ! អីញ្ចឹងអ្នកផ្កាយ៣ ឬផ្កាយ៤ភ្លីភ្លើជាងប្រជាជនទៀត» ។ សម្តេចបានបន្តថា ការនិយាយថា អ្នកនេះស័ក្តិតូច មិនអាចទៅផាកពិន័យអ្នកផ្កាយ៣ ឬ៤ ឬយោធាបានទេ? នេះជាការនិយាយមិនត្រូវនោះទេព្រោះខុសច្បាប់ដែលនិយាយអ្នកទាំងអស់គ្នាមានសិទ្ធិស្មើគ្នាចំពោះមុខច្បាប់មានន័យថា ច្បាប់ចរាចរណ៍គេចែងថា យ៉ាងណាយើងគោរពតាមនឹងទៅ ។ បើមិនគោរពតាមនឹង គឺខុសទាំងអស់ ។
ជាមួយគ្នានោះដែរ សម្តេចក៏បានលើកឡើងថា មានអ្នកធំខ្លះ ឬផ្កាយ៣ ឬ៤ខ្លះនិយាយបែបនេះ ប៉ុន្តែក៏មានប៉ូលិសចរាចរណ៍ខ្លះគ្រាន់តែបើកកញ្ចប់ឡាន ហុចលុយឲ្យប៉ុណ្ណេះប៉ុណ្ណោះក៏មានដែរ តែមិនច្រើនទេ ? តែឥឡូវប្រហែលមិនមានទេ ផ្ទុយទៅវិញបើពេលមុនមាន ។ ថវិកាដែលប៉ូលិសផាកបានត្រូវប្រគល់ឲ្យប៉ូលិស៧០ភាគរយ ។ សម្តេចក៏បានអំពាវនាវដល់ឲ្យមានការគោរពច្បាប់ទាំងអស់គ្នាមិនថា អ្នកតូច ឬអ្នកធំនោះទេ ទើបអាចកាត់បន្ថយគ្រោះថ្នាក់ចរាចរណ៍ដោយមិនត្រូវតែបន្ទោសប៉ូលិសតែមួយនោះទេ ៕
ចែករំលែកព័តមាននេះ